تاند- په امریکا کې دوه خبریالان، په داسي حال کې چې له تلویزیون سره یې په مستقیمه خپرونه کې خبرې کولې، ووژل شول.
د (WDBJ7) تلویزیون ۲۴ کلنه خبریاله السین پارکر او کامره من اډم وارډ د مرکې په مهال، چې په ژوندۍ بڼه خپرېده، د ویرجنیا ایالت د بیډ فورډ سیمې په بریج واټر پلازا کې وویشل شول.
مرمۍ د هغوی پر سر ولګېدې او تلویزیون د دوی د لګېدو او لوېدو تصویرونه خپاره کړل.
په تلویزیون کې د اتو ډزو او ورپسې د چیغو ږغونه واورېدل شول.
د ویرجینیا ګورنر ویلي، داسي ښکاري چې حمله کوونکی د دغه تلویزیون کوم ناراض مامور وي.
ده دا پېښه یوه جنايي قضیه بللې او ویلي یې دي چې دا پېښه تروریستي نه ده.
تراوسه پوري د حمله کوونکي د هویت په اړه څه نه دي ویل شوي.
هغه څوک چې مرکه ورسره کېده، روغ پاتې شوی دی.