خیزیال: عادل –
په هلمند کې د ۲۱۵ میوند قول اردو رسنيز دفتر څخه رسنيو ته په استول شوې خبرپاڼه کې راغلي چې له موسی کلا څخه يې د دولت د وسله والو مخالفينو د ايستلو په موخه دغه عمليات پيل کړي.
خبرپاڼه زياتوي چې ددې عملیاتو لپاره د کندهار ۲۱۵ اتل، د هرات ۲۱۷ظفر، د کابل د۱۱۱ فرقې ځواکونه له ۲۱۵ ميوند قول اردو سره برخه لري.
خبرپاڼه وایې تر اوسه د خاص مقاومت سره نه دي مخ شوي چې تر دې مهاله پورې څه د پاسه ۲۰ ډول ډول ماینونه هم کشف او له منځه وړي دي.
د ۲۱۵ میوند قول اردو مطبوعاتي دفترڅخه یاده خبرپاڼه زیاتوي: په دې عملیاتو کې د افغان هوايي ځواک هم برخه لري.
موسی کلا ولسوالۍ د تېرې میلادي میاشتې په ۲۶ نېټه وسله والوطالبانو ونیوله، خو حکومت د موسی کلا د سقوط خبر رد کړ او په يو شمېر سيمو کې يې د تاکتيکي شاتګ ريپوټونه ورکړل.
تر اوسه وسله والو طالبانو په دې اړه رسنيو ته څه نه دي ويلي.
کندهار قول اردوی نوم ۲۰۵ اتل ده
ننګرهار ۲۰۱سیلاب کندهار ۲۰۵ اتل هلمند ۲۱۵ میوند هرات ۲۰۷ ظفر مزارشریف ۲۰۹ شاهین ګردیز ۲۰۳ تندر