تاند- افغان چارواکي وايي چې ځانګړي ځواکونه یې د کندوز ستراتیژیک ښار ته لېږلي چې له وسله والو طالبانو څخه یې تصفیه کړي.
طالبانو نن /دوشنبه/ کندوز ښار په پراخو حملو کې، چې د تېرې شپې په درو بجو یې له څو خواوو پیل کړې وې، ونیوه.
حاضردمه د کندوز ښار له هوايي ډګره پرته ټول ښار او لمنې د وسله والو طالبانو تر کنټرول لاندې دي.
کندوز په تېرو ۱۴ کلونو کې لومړنی ښار او لومړنی ولایتي مرکز دی چې وسله وال طالبان یې نیسي.
