تاند- د هیلي کوپتر جوړولو ایم ډي کمپنۍ اعلان وکړ چې د امریکا پوځ ورسره د افغانستان لپاره د نورو (MD 530F Cayuse) جنګي څرخکو قرارداد کړی دی.
د دې قرارداد پر اساس به ایم ډي کمينۍ ۱۲ نورې څرخکې مهیا کړي څو د ۲۰۱۶ م کال د جنګي فصل لپاره ورڅخه کار واخیستل شي.
دې کمپنۍ په ۲۰۱۵ م کال ۱۲ هیلي کوپترې پلورلې وې.
د ایم ډي کمپنۍ په وینا ۱۲ څرخکې، چې تېر کال یې چمتو کړې وې، له تېرو ۹ میاشتو راهیسي په افغانستان کې په عملیاتو کې برخه لري او کار یې بریالی ثابت شوی دی.
دا هیلي کوپترونه په (FN Herstel) ماشینګڼو او ۷۵.۲ اینچه راکټونو سمبال دي.