د لعلونو امېل د ډګروال محمد حضرت څرګند دراني ژباړه او ټولونه ده چې په ۲۸۲ مخونو کې په ښکلې بڼه مازيګر کتاب پلورنځي د ۱۰۰۰ ټوکو په شمېر چاپ کړ.
دا د ښاغلي څرګند دراني د ډېرو کلونو د زيار او هڅو ثمره ده چې موږ او تاسو ته د اعتماد، انسانيت، انتخاب، ازادي، اخلاق، ادب، پوهاوي، حکمت، سياست، شخصيت، عشق، کمال، موسيقي، واده، لوبې، هنر، يووالي… او نورو عنوانو لاندې د نړۍ د نامتو ارواپوهانو، ليکوالو او فيلسوفانو لنډې ويناوې او پيغامونه وړاندې کوي.
کتاب له ژوند جوړونکو خبرو ډک دی.
پسرلی د طبعيت د ځوانۍ فصل دی.( ګويته)
د فکر کولو پرته خبرې کول د بې هدفه ډزو په شان دي.(دوګول)
درواغجن د بل درواغجن نه ډارېږي. (اپلاتون)
د خوراک څخه وږی، له حکمت څخه موړ اوسه. (لقمان حکيم)
مازيګر ته راشئ چې د لعلونو امېل مو لاسونه ښکل او زړونه خوشاله کړي!