تاند- افغان چارواکي وايي چې امنیتي ځواکونو د کندوز- تخار په لویه لاره کې وسله والو طالبانو ته سختې مرګ ژوبلې اړولي دي.
د ایران د ایرنا خبري اژانس د راپور له مخې، وسله والو طالبانو ته وروسته له دې سختې مرګ ژوبلې واوښتې چې امنیتي ځواکونو د کندوز- تخار د لویې لارې د پرانستلو لپاره پراخ عملیات وکړل.
دا لار د کندوز له وروستیو جګړو وروسته د طالبانو له لوري بنده شوې وه.
طالبانو تېره اوونۍ د کندوز ښار او ولسوالیو د نیولو لپاره هممهاله حملې وکړې خو د شاهدانو او چارواکو په وینا د طالبانو حملې وځپل شوې او درنې مرګ ژوبلې ورواوښتې.
خو طالبان وايي چې دولتي ځواکونو کومه سیمه ورڅخه نه ده نیولې.
د کندوز امنیه قوماندان جنرال محمد قسیم جنګل باغ وویل:«د کندوز- تخار د لویې لارې عملیات د جمعې په شپه ناوخته د کندوز په برخه کې پیل شول. لږترلږه ۲۰ وسله وال طالبان ووژل شول او ۶ نور ژوبل شول.»
ده همداراز وویل چې تصفیوي عملیات لا هم د کندوز په یو شمېر کلیو کې، چې د کندوز – تخار لویې لارې ته ورڅخه تهدید موجود دی، روان دي.
طالبانو تېر کال کندوز ښار په ډېره اسانه ونیوه خو سږ کال یې تراوسه د ښار د نیولو لپاره هلې ځلې ناکامې شوي خو لا هم د ښار په شاوخوا کلیو کې حضور لري.
ډیر دلچسپ خبر چی د ایران دخبری اژانس په حواله وړاندی شوی