تاند- لومړۍ مېرمن رولا غني نن /سې شنبه/ په افغانستان کې د نجونو لپاره لومړنی ځانګړی پوهنتون افتتاح کړ.
په دغه پوهنتون کې، چې مورا نومېږي، د طب، کمپیوټر ساینس او منجمینت یا ادارې په ګډون بېلابېل پوهنځي شته.
د افغانستان ولسمشر محمد اشرف غني په خپلو انتخاباتي کمپاینونو کې نجونو ته د ځانګړي پوهنتون د جوړېدو ژمنه کړې وه څو هغو نجونو ته د لوړو زده کړو لار هواره شي چې کورنۍ یې له هلکانو سره یوځای د خپلو لوڼو له زده کړې سره مخالفت کوي.
مېرمن رولا غني د (موره) په نوم د نجونو د ځانګړي پوهنتون د ودانۍ په پرانستونکې وینا کې وویل:«دا پوهنتون به د هغو افغان نجونو لپاره د لوړو زده کړو اسانتیا برابره کړي چې په مختلطو پوهنتونونو کې زده کړې ته لېواله نه دي.»
دې زیاته کړه:«د دغه پوهنتون جوړېدا په اوس وخت کې هغو نجونو محصلانو ته د لوړو زده کړو په خاطر لوی ګام دی چې د ځینو ستونزو له کبله د خپلو کورنیو له لوري د زده کړو بشپړولو ته نه پرېښودل کېږي.»
د پوهنتون رييس عزیز امیري وویل:«دا د ښځو لپاره بې ساری پوهنتون دی، په دې پوهنتون کې دوی ته په بېلابېلو برخو کې لوړې زده کړې ورکول کېږي. د دوی لپاره ځانګړې لیلیه هم شته چې د نورو ولایتونو محصلو نجونو ته د اوسېدو امکان برابروي. دا لیلیه د ۹۶۰ محصلانو لپاره ده. موږ غواړو د سرطان او نورو ناروغیو د روزنې یو تخصصي مرکز هم پرانیزو.»
په افغانستان کې اوس ۳۶ دولتي او ۱۲۶ غیرحکومتي پوهنتونونه فعالیت کوي خو په درستو پوهنتونونو کې هلکان او نجونې یوځای زده کړې کوي.
دای ډیر ښه کار کړی
دکرزی له ښځی خو بی بی ګل ښه کار وکړ او دایی یوازینی ښه کار ده انسانی او اسلامی کار ده
کار خو ډیر ښه او پر شریعت برابر دي خو ایا تاسو فکر نه کوي چي د انجونو د پوهنتون رئیس دي یو نارینه و اوسیږي دا به بهتره نه وي چي یوه ښځینه قابله رئیسه وګمارل شي؟ په دي هیڅ شک نشته چي افغانستان دي قابلي میرمني ونه لري.
نیک کار دی خو دا پوهنتون په کوم ځای کې او په کومو شریطو نجونې مني ؟