یو شمیر پرديپالو کړیو اوازه خپره کړې ده چې د ولسمشر محمد اشرف غني او د ملي امنیت د سلاکار محمد حنیف اتمر ترمنځ اختلافات جوړ شوي او د دې په پایله کې اتمر پر غني د ناکامې کودتا هڅه هم کړې ده.
له دغې اوازې څخه وروسته د ولسمشر او ملي امنیت شورا ویاندویانو دا اوازه د خندا وړ او په بشپړ ډول د واقعیتونو خلاف وباله. دا چې واقعیتونه په ریښتیا څه دي، په دې مقاله کې به لنډه رڼا ورباندې واچوو:
اتمر ولې د تبلیغاتو هدف دی؟
اتمر د ولسمشر غني د حکومت ستون فقرات ګنل کیږي، علت یې دا دی چې هغه د دې حکومت د بقا او د افغانستان د ملي ګټو د تحقق لپاره له بل هرچا څخه ډير ځان په کار کولو او ملي تعهد مکلف وباله.
حنیف اتمر د دې لپاره چې د افغانستان لپاره اساسي خدمت وکړی شي، د ملي یووالي حکومت له جوړیدو سره د ټولو حکومت کې دخیلو سیاستوالو برعکس د واک، صلاحیت، امتیاز او خپل ګوند د حق غوښتلو له ټولو ځاني غوښتو څخه تیر شو او د ملي امنیت د مشاور په حیث یې کار پیل کړ.
د ملي امنیت مشاوریت ټولو ته ښکاره ده چې یو پالیسي سازه او د همغږۍ ارګان دی، اجرایوی صلاحیت نه لري، محدود تشکیل یې دی خو له دې کبله چې مهم مسوولیتونه ورپه غاړه دي او د بهرني او امیتي سیاست همهغږي کوي، اتمر یې دروند او وله سرګرداني ډک مسوولیت ته چمتو شو.
اتمر وکړی شول په ډیره کمه موده کې د ولسمشر غني د تحول او تداوم ټاکنیز منشور د پنځه حلقه یي بهرني سیاست د تحقق لپاره،، چې دی یې هم د تیوریسنانو له جملې څخه و، په پوره بریالیتوب سره کار وکړي.
حنیف اتمر د ملي امنیت د مخکینیو سلاکارانو: زلمي رسول او رنګین سپنیتا برعکس د ارګ په چهاردیوالۍ کې کرار نه کیناست، ده د سیمې او نړۍ په کچه د افغانستان د نظام د قوي حمایت لپاره پوره زمینه سازي وکړه، همدا شان یې د افغانستان په بهرنیو اړیکو کې بې سابقه توازن رامنځته او له روسیې او وهند څخه د پوځي مرستو ترلاسه کولو ابتکار وکړ ده د سولې پروسه کې تاریخي رول ولوباوه او د حزب اسلامي له امیر سره یې د سولې پروسه د خورا کورنیو او بهرنیو ننګونکو او تخریبي هڅو په موجودیت کې خورا ښه رهبري کړه.
د ملي امنیت سلاکار همدا شان د ترهګرو ډلو د ځپلو، سولې ته د طالباو د یو شمیر مشرانو په راضي کولو، په کور دننه د غوره امنیتي پالیسیو د جوړولو او له مافیایي ډلو او د واک له قبضه ګرو سره په مقابله کې هم خپل نبوغ، جرات او د مقابلې وړتیا په ځلونو څرګنده او د دغو ډلو ملاوې یې ماتې کړې هغه پر دې سربیره په کور دنه د نظام د ملاتړ لپاره وخت په وخت لویې تخریبي هڅې چې حکومت ضدو سیاستوالو پلانولې، له هغوی سره د تفاهم او تقابل په وسیله ناکامې او کمزورې کړې.
دې ټولو ته په کتو سره د نظام کورني او بهرني مخالفین دې نتیجې ته ورسیدل، چې د نظام د تخریب لپاره اساسي هدف حنیف اتمر کیدای شي.
دوی د خپلو استخباراتي لارښوونکو په دستور له پیله تر اوسه په مختلفو شکلونو سره غواړي د افغانستان دغه کم ساری ستراتیژیست، پیاوړی رهبر او اوسپنیز سړی د تبلیغاتي بریدونو هدف وګرځوي او په دې ډول سره د نظام ملا ماته کړي.
وروستۍ شرمونکې اوازه چې له هیواده بهر یوه اجیر او استخباراتي لاسپوڅې اچولې او د ده هم نظره یې په تبلیغ کې همکاره شوي، هیڅکله ریښتیا کیدای نه شي. ځکه هغه نظام چې بقا او دوام یې تر ډيره د همدغه حنیف اتمر د شپو او ورځو کار، خواریو او سرګردانیو نتیجه وي او هغه ولسمشر چې د همدغه اتمر په بې سارې قربانۍ او ملاتړ دغه مقام ته رسیدلی هیڅکله به یې اتمر د پښو وهونکی نه شي. دغه نظام او ولسمشر به هم هیڅکله د دغه اتمر د خدمت او قربانیو احسان هیر او د ده په ضد تبلیغاتو ته لبیک ونه وایي.
پښتو متل دی، چې: بارداره ونه په تیږو لګیږي.
اتمر د افغانستان د یوه واقعي بچي او خدمتګار په حیث به خامخا بیا، بیا د داسې تبلیغاتو هدف ګرځیږي خو ولس ته واقعیتونه معلوم دي، نظام هم خپلې اساسي ستنې او مدافعان ښه پیژني.
پخوا به نظار شورا د بازي کلوخک په نامه په اصطلاح خپل جهاد ته تبلیغي رنګ ور کاوه او خلکو ته به یې ځانونه ډېرور ښوول ، خو کله چې معلومه شوه دوی ډېر کم خلک او یوه کوچینۍ ترورېستي ډله وه ، او یوازې د هغو مجاهدینو د ترور له پاره جوړه او روزل شوې وه چې په سیمه کې ددوی د پر مختګ او په سالنګونو کې د روسي کتارونو د تېرېدو خنډ ګرځيدل . ځکه روسان ددوی سترا تیژیک ملګري ، تمویلوونکي او ملاتړي وو . خو او س یې په سیاست کې همغه زړه بازي کلوخک پیل کړې ده ، هره ورځ درواغ او دوړې بادوي ، باټې ولي ، خو په حقیقت کې دوی هېڅ شی هم نه دي . ددوی د استخباراتي درواغو جوړولو ټول لابراتوارونه په کابل او نورو هېوادو کې د روسیې ، فرانسې ، انګلیس ، ایران او ځینو نورو هېوادو سفارتونه دي چې د نړۍ تر ټولو ستر درواغجن یې ور ته جوړوي ، همدغه منافقین یې تیتوي او د افغانستان د خلکو ذهنونه ور باندې مغشوشوي . خو اوس دغه ددرواغو ګوډي ټولو افغانانو ښه پېژندلي ، او هېڅو ک یې په خبرو باور نه کوي او یوازې خپل ځان نور هم شرموي . که څه هم په دوی کې شرم له سره وجود نه لري .