د امریکا د ولسمشرۍ په انتخاباتو کې دونالد ترمپ بریالی شو.
مېرمن کلنټن خپل سیال ترمپ ته مبارکي وویله.
ډونالډ ترمپ د امریکا او نړۍ د اکثرو شناندو د اټکلونو خلاف په حیرانوونکي ډول د ولسمشرۍ انتخابات وګټل.
دونالد ټرمپ د امریکا د پنځه څلوېښتم ولسمشر په توګه د خپلو پلیوانو ته په یوه غونډه کې وویل:
«زه د خپل هیواد د هر وګړي په وړاندې ژمنه کوم چې د ټولو امریکایانو ولسمشر به یم او دا مسله زما لپاره ډېره مهمه ده.»
د ولسمشرۍ له انتخاباتو سره په یووخت د کانګریس د استازو جرګې او مشرانو جرګې د یو شمېر چوکیو لپاره انتخابات وشول چې په دواړو کې د ترمپ جمهوریپال ګوند وړاندې دی.
ترمپ له بري وروسته وویل چې مېرمن کلنټن ورته ټېلفون وکړ او د بري مبارکي یې ورکړه.
ده همداراز وویل چې ده هم مېرمن کلنټن او د هغې کورنۍ ته مبارکي وویله او ورته ویې ویل چې په انتخاباتي کمپاین کې یې ډېر زحمت وایست.
ده زیاته کړه د ملیونونو امریکایانو لپاره به روزګار پیدا کړي:«موږ د خپلو ښارونو مرکزونه بیا جوړوو. موږ لویې لارې، پُلونه، تونلونه، هوايي ډګرونه، ښوونځي، روغتونونه او نور بنیادي تاسیسات بیا جوړوو او د بیارغونې په لړ کې به ملیونونو کسانو ته کار پیدا کړو.»
ترمپ ته د ولسمشر غني مبارکي
ترمپ وویل چې د ټولې امریکا ولسمشر غوره شوی او د ټولو امریکایانو یو شان خدمت کوي.
د افغانستان ولسمشر محمد اشرف غني د امریکا د جمهوریپال ګوند کاندید دونالد ترمپ ته د ولسمشرۍ په انتخاباتو کې په بري مبارکي وویله.
ولسمشرغني هیله څرګنده کړې چې د افغانستان او متحد ایالتونو ترمنځ اړیکې به نورې هم ټینګې شي.
له ارګ څخه په خپره شوې خبرپاڼه کې د ولسمشر غني له قوله ویل شوي، د امریکا متحد ایالتونه د تروریزم پر ضد په جګړه او د افغانستان په پرمختګ کې د افغانانو یو ستراتیژیک متحد دی.
ښاغلي غني همداراز ترمپ ته په نویو مسوولیتونو کې د بریالیتوب هیله کړې ده.
نور یې څه کوو خو خدای دې یې د پاکستان لپاره د تور سپي په څېر لېونی کړي چې په بل مخ یې راواړوي او دا اتوم متوم نه یې لکه چې لاپه یې کړې ده خلاص کړي.