تاند- د افغانستان پخوانی ولسمشر حامد کرزی د ترکیې د پخواني ولسمشر عبدالله ګل په بلنه قیصر ښار ته تللی دی.
حامد کرزي ته بلنه ورکړای شوې چې په ترکیه کې د عبدالله ګل د موزیم او کتابتون په پرانستغونډه کې ګډون وکړي.
په قیصر ښار کې د ښاغلي ګل د موزیم اوکتابتون د پرانستنې په مراسمو کې د ترکیې ولسمشر رجب طیب اردوغان او صدراعظم بن علي یلدرم هم ګډون وکړ.
پخواني افغان ولسمشر د ترکیې د سفر په لړ کې د دغه هیواد له پخواني صدراعظم احمد داوود اوغلو او یو شمېر افغان محصلانو او سوداګرو سره ولیدل.
