ژباړه: حمیدالله حمیدي
مالټې د چاغۍ د مخنیوي لپاره تر ټولو ښه مېوه ده، دغه راز مالټې کولی شي د بدن دفاعي سيستم هم پیاوړی کړي. مالټې د ويټامین سي، بي او اې تر ټولو ښه سرچینه ده. پر ويټامینونو سربېره مالټه ګڼ معدني مواد لکه اوسپنه، فاسفور، کلیسم، مګنیزیم، سودیم، پوتاشیم، مس، کلر، ګوګرد او نور لري.
د مالټو جوس د وینې غلظت له منځه وړي نو ځکه یې د عروقي سيستم ساتونکې مېوه هم بللی شو.
که د مالټې له پوستکي او مغز دواړو څخه جوش جوړ شي نو ګټه یې یو پر دوه کېږي، د مالټې جوس مدرر خاصیت لري او د بدن دفاعي سيستم پیاوړی کوي.
لیمو او مالټه
که غواړئ وزن مو کم کړئ، یوه ماټله او درې دانې لیمو نازک پوست کړئ، د نیم ساعت لپاره یې په اوبو کې واچوئ، یوه کاچوغه شات ور زیات کړئ او د پنځو دقیقو لپاره یې جوش ورکړئ. له جوشېدو وروسته یې پرېږدئ څو ښه یخ شي، هره ورځ د یوې وړې کاچوغې په اندازه ترې نوش جان کړئ، په کمه موده کې به حس کړئ چې وزن مو کم شوی دی.