تاند- د پاکستان د پوځ د لوی درستیز په لارښوونه د دغه هیواد د ټولو قواوو د لوی درستیز په مشرۍ د پوځ یو جګپوړی پلاوی نن /پنجشنبه/ افغانستان ته راغی.
پاکستاني پلاوي په کابل کې د افغانستان له سرپرست دفاع وزیر طارق شاه بهرامي او سرپرست لوی درستیز محمد شریف یفتلي سره وکتل.
پاکستاني رسنۍ د دغه هیواد د پوځ د خبرپاڼې له مخې وايي چې د پاکستان د پوځ جګپوړي پلاوي د خپل پوځ د لوی درستیز جنرال جاوید قمر باجوه له لوري په بلخ ولایت کې پر شاهین قول اردو د تروریستي حملې په نتیجه کې د بېګناه انسانانو پر شهادت خواشیني او غمرازي څرګنده کړه.
دوی دغه راز له افغانستان سره په دې غمجنه پېښه کې د خپل ملت او حکومت یووالی اعلان کړ.
د پاکستاني رسنیو په قول، افغان پوځي چارواکو وویل چې پاکستان په خپله خوا کې پر ټولو سیمو کنټرول لري، نو پکار ده چې اجازه ورنه کړي خاوره یې د افغانستان پر ضد وکارول شي.
دواړو خواوو وویل چې تروریستان د دواړو هیوادونو ګډ دښمنان دي.
د افغانستان او پاکستان پوځي چارواکو د ډیورند کرښې په اوږدو کې د اقداماتو د همږغولو غوښتنه هم وکړه.
پاکستاني پلاوی په داسي حال کې افغانستان ته راغی چې د امریکا د ولسمشر ډانلډ ټرمپ ادارې د افغانستان او پاکستان په اړه پر خپلې پالیسۍ جدي کار پیل کړی او ژر به یې اعلان کړي.
هم می ووژنی په خپله هم په ما بانړی ژړا ګړی
عجب یار عچب یی مینه….ضنم هسی
(خوشحاخان بابا