تاند- فېسبوک وايي د تېر کال په وروستیو درو میاشتو کې یې زیاته ګټه کړې او دغه راز یې د کاروونکو شمېر د پام وړ زیات شوی دی.
فېسبوک پرون /چهارشنبه/ وویل چې د ۲۰۱۴ میلادي کال په وروستیو درو میاشتو کې د دې کمپنۍ ګټه ۷۰۱ ملیون ډالرو ته لوړه شوه چې د ورتېر کال د ورته مودې په پرتله په سلو کې ۳۴ زیاته ده.
د فېسبوک یوه له دوو موسسانو څخه مارک زوکربرګ وویل چې د دوی د اعلانونو عواید تر ۵۳ فیصدو پوري زیات شوي یعني ۳ ملیارده او ۵۹۰ ملیون ډالرو ته رسېدلي دي.
د ده په وینا د دې عاید په سلو کې نژدې ۷۰ د موبایل د اعلانونو له عوایدو څخه ترلاسه کېږي.
زوکربرګ وویل، فېسبوک اوس هره میاشت یو ملیارد او ۳۹۰ ملیون تنه فعال کاروونکي لري چې دا د تېر کال په پرتله په سلو کې ۱۳ زیاتوالی ښيي.
زوکربرګ وویل، په ټول کال کې د فېسبوک عواید، چې نژدې دوه ملیارد اعشاریه ۹۰ ملیون ته ول، په سلو کې ۵۸ زیات شوي او ۱۲ ملیارده اعشاریه ۸۰ ملیون ته رسېدلي دي.