تاند- زرګونو افغان مظاهره چیانو پرون /جمعه/ په سپین بولدک کې د پاکستان له لوري د دوستۍ باب په نوم پر دروازې هجوم ورووړ.
پاکستاني رسنۍ وايي، دا دروازه پرون د افغانستان د خپلواکۍ له ورځې سره په یو وخت بنده وه.
د پاکستان (پاک تریبیون) ورځپاڼې لیکلي چې افغان مظاهره چیانو په تورخم کې د دوستۍ دروازه تخریب کړې خو پاکستان ټوډې بیا ویلي چې دا پېښه په سپین بولدک کې شوې ده.
پاکستاني رسنۍ وايي، د افغانانو لاریون، چې له سپین بولدکه پیل شوی و، تر دروازې یې دوام وکړ. لاریونوالو په سپین بولدک کې د دوستۍ باب په نوم پر دروازې د تیږو وارونه وکړل، د هغې کړکۍ او دروازې یې ورماتې کړې.
په راپور کې دغه راز ویل شوي چې قهریدلیو افغانانو د پاکستان بیرغونه هم وسوځول څو په دې توګه له پاکستانه خپله کرکه وښيي.
پاکستاني رسنۍ وايي چې په دې وخت کې افغان امنیتي ځواکونه حاضر ول خو د خپلو خلکو مخه یې ونه نیوله.
له دې پېښې وروسته پاکستان دروازه بنده کړه او اوس له دې لارې د خلکو او موټرو تګ راتګ بند دی.
اوس چې دروازه جوړه شوه نو ښه شوه !
وروره املایی غلطی درنه شوی تورخم چیری او سپین بولدک چیری
دغه پیښه د چمن پر پاک افغان دروازه شوی ده
دتل لپاره ددروازه بنده کړی موږ نور ښه منا سبات ساتل له دښمن سره نه غواړو دښمن ته په سوک ګزار ورکوو .
پښتانه چې څوک په لر او بر کې وېشي
خدايه لر او بر يې ووېشې چې ورک شي
چې درنښت مو د يوالي کتی نه شي
خدايه باد يې کړې بڼه بڼه چې سپک شي