تاند- امارات هوايي شرکت نن اعلان وکړ چې سږ کال به د افغانستان او متحده عربي اماراتو ترمنځ الوتنې پیل کړي.
امارات ایرلاینز، چې مرکز یې په دوبۍ کې دی، په یوه خبرپاڼه کې ویلي چې د کابل نړیوال هوايي ډګر(خواجه رواش) ته به د سږ کال د دسمبر له څلورمې نېټې څخه الوتنې پیل کاندي.
دا به د امارات هوايي شرکت لپاره په تاریخ کې لومړی ځل وي چې افغانستان ته الوتنې کوي.
امارات هوايي شرکت، چې د نړۍ یو مخکښ او مخ پر وده هوايي کرښه ګڼل کېږي، د نړۍ ډېرو هیوادونو ته الوتنې لري.
کابل ته د دغه هیواد شرکت پروازونه به هغو افغانانو ته هم اسانتیا رامنځته کړي چې له اروپا او امریکا څخه کابل او یا بالعکس تګ راتګ کوي ځکه چې دا شرکت ډېرو اروپايي هیوادونو او دغه راز امریکا ته الوتنې لري.
امارات هوايي شرکت ویلي چې کابل ته به دغه شرکت مسافر په ایربس ۳۴۰ – ۵۰۰ الوتکې کې وړي.
د اماراتو د سوداګري عملیاتو مرستیال رييس باري براون وویل:«امارات د کابل او دوبۍ ترمنځ د هوايي خدماتو اړتیا درک کړې ده. موږ هیله لرو چې دا الوتنې به د سوداګرو او همداراز د عادي افغانانو لپاره، چې غواړي د خپلوانو او کورنیو لیدو ته لاړ شي، په زړه پوري وي.»
ده زیاته کړه:«دا الوتنې به افغانستان ته د کارګو یا بار، په تېره بیا درملو- خوراکي موادو- تعمیراتي وسایلو د وړلو راوړلو لپاره هم یو نوی فرصت برابر کړي.»
امارات هوايي شرکت د نړۍ ۱۳۷ ښارونو ته الوتنې لري او کابل به یې یوسلو اته دېرشم منزل وي.
Greeting to all,
It is really a great news though it will definitely have negative impacts on Kam Air and Safi Airways business, but intensified competition is a good news for Afghans service consumers who are travelling between Europe, Australia, North America and Kabul, it would be a safer, hassle free option, it might reduce connection time, no more luggage transfer hassle and no need for terminal change.
Best wishes
ښه راغلاست
خو ډاریږم چې زموږ آریانا او نور خصوصي هغه را سقوط نکړي
there will be a proper and positive competition between international and local airlines in Afghanistan.
Afghanistan local airlines should provide superior services to the customers and make their ticket fee low as other international airlines charge, otherwise they will face a lot of problems.