تاند- ټاکل شوې ده چې د امریکا د بهرنیو چارو وزیر مایک پامپیو نن /چهارشنبه/ په اسلام اباد کې د پاکستان له نوي صدراعظم عمران خان سره وویني.
(دي هیل) ورځپاڼه وايي، ګومان نه کېږي چې د دواړو خواوو دا کتنه ګټوره وي ځکه چې د هغوی د کتنې لپاره مخکې تر مخکې دیپلوماتیک کار نه دی شوی.
پامپیو تر دې وړاندې د اګست په ۲۳ مه عمران خان ته ټېلفون کړی و او په انتخاباتو کې یې د بري مبارکي ورکړې وه.
پاکستاني رسنۍ وايي چې د عمران خان او باجوه لیدنو ډېر خلک حیران کړي دي
د امریکا د بهرنیو چارو وزارت په خبرپاڼه کې د پامپیو او عمران خان د ټېلفوني خبرو په اړه په لنډکۍ خبرپاڼه کې ویل شوي و چې دواړو خواوو د تروریزم پر ضد د مبارزې او په دې برخه کې له پاکستان څخه د نورو اقداماتو د غوښتنې یادونه وشوه خو پاکستان دا موضوع سمدستي رد کړه، ویې ویل چې عمران خان او پامپیو د تروریزم په اړه خبرې نه دي کړي.
له دې وروسته د اګست په دېرشمه عمران خان د ایران د بهرنیو چارو وزیر جواد ظریف ته تود هرکلی ووایه او د ۲۰۱۵ کال د اتومي موافقې په اړه یې د ایران د دریځ کلک ملاتړ څرګند کړ.
پرون /سې شنبه/ د پاکستان د بهرنیو چارو وزیر شاه محمود قریشي وویل چې د امریکا له باندنیو چارو وزیر سره به د پاکستان د ۳۰۰ ملیون ډالره پوځي مرستې په اړه خبرې وکړي. امریکا تېره اوونۍ پاکستان ته د ايتلاف له بسپنې ۳۰۰ ملیون ډالره ځنډولې پیسې بیخي لغوه کړي او ویې ویل چې دا پیسې به په بل ځای کې ولګوي خو قریشي وویل چې امریکا د پاکستان ۳۰۰ ملیون ډالره پوروړې ده ځکه چې پاکستان دا پیسې د تروریزم پر ضد مصرف کړي دي.
له بلې خوا امریکا وايي چې له پاکستاني چارواکو سره به د متحدو ایالتونو د بهرنیو چارو وزیر د خبرو تمرکز پر افغانستان وي.
وایی پیشو د خدای لپاره موږک نه نیسی.دا د پاکستان بی منطقه وزیر امریکا د پاکستان پوروړې بولی خکه دوی پخپله په پښو درولی تروریزم سره په ځبله خاوره کې مبارزه کړې نو پیسې یې باید ځکه امریک پرې کړي .
Money, the most powerful item to posses. Amazingly you can get to the bottom of conflict issues if you are able to fallow the flow of money line :
In this particular case, US financial aid reach Pakistan, a good portion of it then redistribute to extremists in order to score perceived strategic interest of Pakistan mainly to balance India by enforcing strategic depth in Afghanistan.
As long as the cash cow produce and distribute milk the same way, expecting better result than it is, is insanity.