تاند- یو شمېر اوکرایني ښځو د روسیې له لوري له اوکراینه د کریمیا د نیولو په اعتراض کې له روسي نارینه وو سره د هر راز جنسي اړیکو د نه نیولو غوښتنه کړې ده.
اوکرایني ښځو ویلي تر څو چې د دوی په وینا پر کریمیا د روسیې یرغل دوام لري تر هغو دې هیڅ اوکراینۍ ښځه له روسانو سره جنسي مقاربت نه کوي.
دوی ویلي چې د کریمیا د نیولو په خاطر له روسیې سره د مبارزې لپاره باید له هرې ممکنې حربې کار واخیستل شي.
اوکرایني ښځو د خپلې مبارزې لپاره په فېسبوک کې یوه ځانګړې پاڼه جوړه کړې چې ډېر ژر ۲۷۰۰ تنو خوښه کړې ده (د دې خبر د خپرېدو تر شېبې پورې)
دوی پر یوه ټي شرټ دا شعار لیکلی (не дай русскому) یعني د اعتراض په دود له روسانو سره جنسي اړیکې مه نیسئ.
اوکراینیانو همداراز د روسیې د تولیداتو پر رانیولو هم بندیز لګولی دی.
د جنسي اړیکو د بندولو نظر دوه زره کاله پخوانی دی. دوه زره کاله پخوا یونانیانو له خپلو خاوندانو او مینانو سره د جنسي مقاربت د نه کولو کومېډي اجرا کړه. په دې کومېډي کې، چې (Lysistrata) نومېده، شرط ټاکل شوی و چې تر څو د دوی سړي (Peloponnesian War) جګړه پای ته ونه رسوي له هغوی سره مقاربت نه کوي.
مونگ.به کله کلداره بنده کو او پاکستانی توکی.به نه رانیسو
؟