تاند- د پاکستان د بهرنیو چارو وزیر خواجه اصف وايي، افغانستان او پاکستان به خپلمنځي ستونزه بالاخره په خپله حل کړي.
د پاکستاني رسنیو د راپور له مخې، خواجه اصف نن /پنجشنبه/ د افغانستان په سفارت کې خبریالانو ته وویل، پاکستان به له افغانستان سره د تروریزم پر ضد په جګړه کې هر راز مرسته وکړي.
ده همداراز وویل، دښمن د افغانستان او پاکستان له اختلافاتو ګټه اخلي، نو پکار ده چې دواړه هیوادونه په خپل منځ کې د مسلو د حل کولو هڅه وکړي.
د پاکستان د باندنیو چارو وزیر، چې اسلام اباد ته د افغانستان د کورنیو چارو وزیر او د ملي امنیت د عمومي ريیس له سفره یوه ورځ وروسته خبرې کولې، د هغوی سفر ته په اشاره وویل چې د افغانستان د ملي امنیت ريیس او د کورنیو چارو وزیر د پاکستان له صدراعظم خاقان عباسي سره ډېره اُمېدواروونکې غونډه لرله.
د افغانستان د ملي امنیت ريیس او د کورنیو چارو وزیر نن په کابل وویل چې پاکستان ته یې د کابل په وروستیو حملو کې د پاکستان مېشتو ترهګرو د لاس لرلو اسناد وسپارل او پاکستان د پخوا خلاف ومنله چې ترهګر یې په خاوره کې اوسي.
پاکستان په خپله خاوره کې د افغان طالبانو د پناهځایونو په خاطر په وروستیو کې د امریکا له لوري له سخت فشار سره مخامخ دی.
د پاکستان د بهرنیو چارو وزیر د افغانستان وروستۍ حملې وغندلې، ویې ویل چې پاکستان په دې شېبو کې له افغانستان سره څنګ پر څنګ ولاړ دی.
د پاکستاني رسنیو پر اساس، په اسلام اباد کې د افغانستان سفیر ډاکتر عمر زاخېلوال له پاکستانه مننه وکړه، او پر دې یې ټینګار وکړ چې تروریزم د دواړو هیوادونو ګډ دښمن دی.
په همدې حال کې د پاکستان د بهرنیو چارو وزارت نن وویل چې یو پاکستانی پلاوی به د فبرورۍ په درېمه (شنبه) افغانستان ته لاړ شي چې د دوو هیوادونو ترمنځ پر اړیکو خبرې وکړي.
لعنت د وی پر پاکستلن
منافقین مې هم وژنې او هم پدې غمجنو شېبو کې له ماسره خواخوږي ښکاره کوي.
پنجابیان ښه پوهيږي چې د تروریستانو ځالې هلته د دوي تر ولکې لاندې سیمو کې دي او د دوي په مستقیمې لارښوونې سره روزل کيږي.
مخامخ زمونږ مسوولینو ته یو څه وایی خوپه مطبوعاتو کې بیا بله نغاره ډنګوي.