تاند، دوشنبه، د دلوې ۲۸مه: د ولسمشر دوهم مرستیال سرور دانش وايي، افغان جګړه د پاکستان کډوالو له کمپونو پیل شوې او اړس د اسلام ایاد له صادقانه همکارۍ پرته په افغانستان کې سوله نهشي راتلی.
سرور دانش نن دوشنبه په اسلاماباد کې “پاکستان ته د افغان کډوالو د مهاجرت د ۴۰مې کلیزې” په مناسبت جوړې شوې غونډې ته وینا کوله وویل، د پاکستان حکومت باید د افغانستان په سوله کې شریک واوسي.
ښاغلی دانش دغهراز وايي، د افغانستان سوله د طالبانو په نیت، له ترهګرو ډلو سره د اړیکو په پرې کولو او په نورو هېوادونو کې د دوی د پټنځایونو په لهمنځه وړلو پورې اړه لري: ((که طالبان خپل پټنځایونه او ځالې او تر خوا یې له ټولو ترهګرو ډلو سره خپلې اړیکې همداسې وساتي، نو که اوربند هم وشي، تلپاتې سوله نهشي راتلی. زموږ خلک د تل لپاره د تاوتریخوالي پای غواړي.))
د ښاغلي دانش له قوله، په پاکستان کې د کډوالو له کمپونو په افغانستان کې د نظام پر ضد جګړه پیل شوې او ترهګري یې پیاوړې کړې ده.
ښاغلي دانش د امریکا متحده ایالاتو او طالبانو ترمنځ د سولې په اړه د کېدونکې هوکړې هم ملاتړ وکړ او هیلهیې وښوده چې دا هوکړه به د افغانانو ترمنځ د خبرو پیل ته زمینه برابره کړي.
د ولسمشر دوهم مرستیال له پاکستان سره د افغانستان د اړیکو رغښت وغوښت، خو دا یې هم وویل چې په افغانستان کې له سولې پرته پاکستان کې هم ثبات امکان نهلري.
خو د پاکستان لومړی وزیر عمران خان بیا وايي، د افغانستان د سولې لپاره به هر هغه کار وکړي چې اړتیا یې لیدل کېږي.
عمران خان هیله وښوده چې د افغانستان د سولې لپاره به روانې هڅې بریالۍ شي، ځکه په خبرهیې دا ځل افغانان خپله سوله غواړي.
ملګری ملتونه او دوی امنیت شورا باید پاکستان پوځ او استخباراتی اداری باندی لکه ایران د سپاه پاسدارانو په شان بندیز ولګوی بی لدی هر ډول خبری د وخت ضایع ده