اماراتي رسنۍ: د ابوظبي خبرې درې ورځینۍ دي

تاند- د متحده عربي اماراتو رسنۍ وايي چې په ابوظبی کې به د امریکا، امارات، سعودي عربستان او پاکستان خبرې درې ورځې دوام وکړي.

مخکې ویل شوي و چې دا خبرې یو ورځینۍ دي.

د متحده عربي اماراتو (دي نشنل) ورځپاڼې ویلي چې دې خبرو ته د طالبانو د موسس زوی ملا یعقوب هم دوه استازي لېږي چې یو د نوموړي اخښی ملا صدیق الله دی او بل ملا امیرخان متقي.

تر دې وړاندې د طالبانو سرچینو تاند ته ویلي و چې د طالبانو مشر ملا هبة الله له کوټې څخه د طالبانو د شورا څلور مهم غړي ابوطهبي ته لېږلي دي.

سرچینې د قطر د نن ورخې په غونډه کې د طالبانو د دغو کسانو ګډون تایید کړ: د طالبانو د مرکچي پلاوي مشر شېرمحمد عباس ستانکزی، د طالبانو د رهبري شورا غړی او د دفتر ريیس امیرخان متقي، د رهبري شورا غړی او د سیاسي دفتر مشر محمد زاهد احمدزی، د روغتیا د کمیسیون مرستیال ډاکتر فقیر، د پاکستان لپاره استازی (رابط) ملا عباس، د نظامي کمیسیون غړی مولوي محب الله حماس، د حقاني شبکې غړی قاري یحیي

دي نشنل ورځپاڼه وايي، د افغانستان حکومت په دې خبرو کې په مستقیم ډول برخه نه لري؛ خو د افغانستان د ملي امنیت سلاکار حمدالله محب وايي چې د حکومت یوه پلاوي د یکشنبې په ورځ په متحده عربي اماراتو کې د امریکا او سعودي عربستان له استازو سره وکتل.

د باختر دولتي خبري اژانس ريیس خلیل معنوي هم پر ټویټر لیکلي چې د افغانستان، امریکا، پاکستان، سعودي عربستان او متحده عربي اماراتو استازو د یکشنبې په ورځ د پاکستان په منځګړتوب له طالبانو سره د درو هیوادونو (امریکا، سعودي او امارات) تر خبرو مخکې په خپل منځ کې خبرې وکړې.

په دې اړه نور تفصیل