تاند- د افغانستان د ملي اردو یو جنرال تېر ماښام په کندهار کې ووژل شو.
د کندهار د والي ویندوی صمیم خپلواک نن /جمعه/ وویل، د اتل قول اردو ملکي مرستیال جنرال خان اکا اڅکزی د ماښام د لمانځه په مهال د نامعلومو وسله والو په ډزو ووژل شو.
د خپلواک په وینا د ملي اردو پر دغه جنرال په ډنډ ولسوالي کې د دوو تنو له لوري ډزې وشوې.
د ډزو په نتیجه کې جنرال اڅکزی ټپي شو، روغتون ته یووړل شو او هلته یې سا ورکړه.
په دې پېښه کې د جنرال اڅکزي د تره زوی ژوبل شوی او دوه حمله کوونکي د امنیتي ځواکونو په ډزو وژل شوي دي.
طالبانو د دې برید مسوولیت منلی او ویلي یې دي چې دوه تنه انتحاریان یې د جنرال اڅکزي وژلو ته لېږلي ول.
د طالبانو ویندوی قاري یوسف احمدي ادعا کړې چې په دې برید کې د جنرال اڅکزي ترڅنګ د ملي اردو یو شمېر نور افسران هم وژل شوي دي.
احمدي صا حب سخته غټه توره مو کړې ده ، یو مسلمان مو له مسجده د را ستنیدو په وخت کې وژلۍ آفرین