تاند- د افغانستان د ملي امنیت رييس محمد معصوم ستانکزي پرون /دوشنبه/ په دوحه کې د قطر له صدراعظم شیخ عبدالله بن ناصر بن خلیفه الثاني سره وکتل.
ښاغلی الثاني د قطر د کورنیو چارو وزیر هم دی.
د ګلف ټایمز ورځپاڼې د راپور له مخې ښاغلي ستانکزي او ورسره ملګري پلاوي د قطر له صدراعظم او کورنیو چارو وزیر سره پر بېلابېلو مسلو خبرې وکړې.
دې قطري سرچینې د دواړو خواوو د خبرو نور جزییات نه دي څرګند کړي.
خو په نورو راپورونو کې ویل شوي چې د افغانستان د ملي امنیت ريیس محمد معصوم ستانکزي له قطري چارواکي سره، چې هیواد یې د طالبانو د سیاسي دفتر کوربه دی، د افغانستان د سولې د پروسې او په دې برخه کې د قطر د رول په اړه خبرې وکړې.
قطر نه یوازې د طالبانو د سیاسي دفتر کوربه دی بلکې د ګوانتنامو له زندانه د یو شمېر پخوانیو او تازه خوشي شویو طالبانو کوربه هم دی.
د قطر له صدراعظم سره د افغانستان د ملي امنیت ريیس په داسي حال کې ولیدل چې وسله والو طالبانو په کابل کې د اردو او پولیسو په شمول شاوخوا ۳۰ تنه په دوو انتحاري حملو کې ووژل او تر ۹۰ ډېر نور یې ژوبل کړل.
له دوو انتحاري حملو څو ساعته وروسته د دوشنبې د ورځې په پای کې طالبانو پر یوه مېلمستون برید وکړ.
اعتبار چی په عرب کوی نادان دی
د عربو شیطنت څومره عیان دی
خپله بروت د کافرانو په لمن کی
مونږ ته وایی چی کافر کله انسان دی
دوی امید د خلافت په ټول جهان کړي
خو عسکر یی د دی خاوری خوار افغان دی
تر هغو چی يی چلتار تړلی نه وی
د عربو مخکی کله مسلمان دی
له عربه چی څوک تمه کړي احمق دی
لاس ددوی دی چی مو دغسی ګذران دی
د عربو ذکاتونو ملک راوران کړ
لاس ددوی دی چی بادار مو پاکستان دی
زه زخمی د کابلی رستم غلام یم
کابلی رستم زمو نږه قهرمان دی