تاند- امریکا د پاکستان دا ادعا رد کړه چې ګنې د امریکا بې پېلوټه الوتکو د چهارشنبې په ورځ په کورمه ایجنسۍ کې د افغان کډوالو کمپ ویشتی و.
په اسلام اباد کې د امریکا د سفارت ویاند ریک ساینل ساین نن (پنجشنبه) په دې اړه چې د امریکا بې پېلوټه الوتکو په کورمه ایجنسۍ کې حمله کړې یا نه ده کړې، څه نه دي ویلي.
پرون د امریکا بې پېلوټه الوتکو په کورمه ایجنسۍ کې د حقاني شبکې د یوه قوماندان پر کور دوه توغندي وویشتل چې د سیمه ییزو چارواکو په وینا د حقاني شبکې د یوه قوماندان په شمول ۲ تنه پکې ووژل شول.
پاکستان دا حمله وغندله او ویې ویل چې د امریکا بې پېلوټه الوتکو د افغان کډوالو پر یوه کمپ توغندي ویشتي دي.
پاکستان په عین حال کې خبرداری ورکړی چې دا ډول نور اقدامات به د تروریزم پر ضد د دوو هیوادونو پر مبارزې اغېز وکړي.
د پاکستان د بهرنیو چارو وزارت نن د امریکا د سفارت د اعلامیې په ځواب کې وویل چې اسلام اباد پر خپله لومړنۍ خبره ولاړ دی.
د امریکا بې پېلوټه الوتکو نن /چهارشنبه/ سهار په کورمه ایجنسۍ کې د حقاني شبکې د یوه قوماندان پر کور برید وکړ چې په نتیجه کې یې لږترلږه دوه تنه وژل شوي دي.
د پاکستان دولتي سرچینې وايي چې دا برید د کورمې ایجنسۍ پر سپین ټن نومې سیمه وشو او دوه تنه پکې ووژل شول.
راپورنه وايي چې په وژل شویو کې د حقاني شبکې یو قوماندان شامل دی.
شاهدان وايي چې بې پېلوټه الوتکه، وروسته له دې چې دوه توغندي یې وویشتل، ۱۵ دقیقې د قوماندان پر کور ولاړه وه.
د حقاني شبکه په ۲۰۱۴ م کال مخکې تر دې چې د پاکستان پوځ په شمالي وزیرستان کې عملیات پیل کړي، کورمې ایجنسۍ ته انتقال کړای شوه.
الله دی نه حقانی پاتی کړی نه پاکستان او نه هم دا تور مخی طابان او هغه نور د حکمتی غلامان. الله مو ټول تباه کړه څوک چه وسله په لاس لری د انسان وژلو لپاره که هر څوک وی