تاند- په افغانستان کې د امریکا پوځ په کونړ ولایت کې د داعش یا اسلامي دولت د وسله والې ډلې د ۴ قوماندانانو وژل کېدا تایید کړه او د هغوی هویت یې څرګند کړ.
په افغانستان کې د ناټو ځواکونو د یکشنبې په ورځ /جولای ۳۰/ په یوه خبرپاڼه کې وویل، په هغه حمله کې چې څو اوونۍ وړاندې په افغانستان کې د اسلامي دولت مشر ابوسعید پکې ووژل شو، د داعش څلور نور قوماناندان هم ووژل شول.
د امریکا پوځ وايي چې په کونړ ولایت کې د ابوسعید ترڅنګ حاجي شېرالله، شیخ ضیاالله، مولوي حبیب او اسدالله وژل شوي دي.
د امریکا د پوځ له خبرپاڼې سره سم شیخ ضیا الله د داعش مذهبي مشر و، حبیب د کونړ د وټه پورې ولسولۍ قوماندان، شیراله د اسلامي حزب پخوانی قوماندان او اسدالله د ابوسعید خپلوان و.
امریکا ویلي چې په یو لړ جدي عملیاتو کې به په افغانستان کې د داعش غړي وځپي.
تر ابوسعید درې میاشتې وړاندې د داعش د افغانستان مخکینی مشر عبدالحسیب هم د امریکايي پوځیانو په برید کې وژل شوی و.
YOU SEE/UNITED STATES AIRFORCE KILLING ISIS QUMANDANTS BY BUMBING/BUT SOME AFGHAN PARLIAMENT MEMBERS SAYING
LIKE afghan govs or hanifatmer support isis/
i am asking zahir qadeer/are you read this news,
any one who doing propaganda against afghanunited government must stop that,
thank you