تاند- بریتانیايي څېړونکي وايي چې د رڼا په مرسته یې په هره ثانیه کې د لس ګیګابایټ په سرعت د معلوماتو (ډاټا) د لېږدولو بریالۍ تجربه کړې ده.
په انترنټ کې بې سیمه د معلوماتو د لېږدولو موجودې ټکنالوژۍ ته وای فای (WiFi) وايي خو د بریتانیايي ساینس پوهانو له لوري پر دې نوې تکنالوژۍ یې لای فای نوم ایښی دی.
ساینسپوهان توانېدلي چې د مایکرو ایل اې ډي ګروپ (د برېښنا) په مرسته د رڼا د هر اساسي رنګ لکه سور، سپین او زرغون په وسیله په هره ثانیه کې درې اعشاریه پنځه ګېګابایټ ډاټا انتقال کړي.
د دې معنا دا ده چې د درو رنګونو په وسیله په هره ثانیه کې لس ګېګابایټه ډاټا لېږدول کېږي.
د ساینسپوهانو په وینا لای فای خورا ارزانه ټکنالوژي ده چې د ایل اې ډي ګروپونو په وسیله په لږ لګښت خورا چټک انترنټي اسانتیا رامنځته کېږي.
د وای فای له برکته نن سبا د ډېرو هیوادونو په عمومي ځایونو لکه لویو پلورنځیو، روغتونو، سټېشنونو، پوهنتونون، رستورانونو او حتي ځینو پارکونو کې خلک د انترنټ وړیا اسانتیا لري.
بې سیمه یا موجود عامه وای فای انترنټي ارتباط تر سیم لرونکي هغه کمزوری دی مګر د بریتانیايي ساینسپوهانو تازه اختراع به په دې برخه کې لوی بدلون راولي.
سلام