د رایې کارتونو ویش د دا ځل پراخ پیل شي/ صفي الله ناصري

رایه د شخص قدرت او د ارادې د اعمالو وسیله ده چې له دې حق څخه د نړۍ په ډيرو هیوادونو کې د یوه اختیاري حق په توګه ورڅخه استفاده کیږي . افغانستان هم د هغه هیوادونو څخه دی چې د دیموکراسۍ دروند اصل یعنې ټاکنو ته ژمن دي او د قدرت سوله ییز انتقال غوره وسیله یې بولي په دې توګه افغانان ورځ تر بلې دا درک ته رسیږي چې څنګه کولای شي چې خپله اراده په ښه توګه تمثیل کړي له همدې وجې څخه وه چې د روان لمریز کال په ټاکنو کې د ولس ګډون په ټاکنو کې پراخ و، علتونه يې ډیر موارد کیدای شي یو، دا و چې د هرې نظریې خاوند نو ماند و په استثنا د ملا عمر د ډلې څخه نور ټول قشرونه پکې شامل وو نو همدا علت و چې خلکو ډیر ګډون وکړ او هم د میډیا او ټولنیزو ویب پاڼو شدید او جدي فعالیتونو له کبله دا باعث شول چې ولس پکې ډیر ګډون وکړي خو اوس هم ولس سخت علاقمند شوی چې باید د رايې کارتونو د ویشلو لړۍ بیا ښه پراخه پیل شي تر څو راتلونکې حکومت ډیر د ولس د ارادې ممثل وي او هم به یو پیاوړي حکومت وي.

قوي او مقتدر حکومتونه هغه دي چې د اکثریت ولس باور یې خپل کړی وي نن ورځ ولې په ډیری هیوادونو کې آرامي ده عمده علت یې دا دی چی حکومتونو ولسي نفوذ لري او له همدې وجې بیا ولس له خپل حاکم حکومت سره همکار دی

اوس ټاکنې دوهم پړاو ته تلونکې دي او د ټاکنو خپلواک کمیسیون په وړاند وینه کړې ده ویلي یې دي که ټاکنې دوهم پړاو ته ولاړې شي نو بیا به د جوزا په څلورویشتمه تر سره کیږي او تر هغه وخته نیږدې یوه میاشت پاتې ده او د ټاکنو کمیسیون هم ویلي دي چې کمیسیون بشپړ تیاری نه لري نو ددې لپاره چې ټاکنې عمومي او همه شموله وي دا د کارتونو د ویشلو لړۍ د بیا پیل کړي که تاسو ددې غوښتنې عمومي ذهنیت معلوم وئ نو تاسو که په ښار کې له  هر دریو نفرو څخه پوښتنه وکړئ نو دوه به حتما دا غوښتنه ولري چې دا لړۍ د پیل شي .

فکر کوم چې د کمیسیون لپاره به  په دې اړه  هیڅ جدي ستونزه نه وي

او تر ټولو جدي ستونزه د امنیت نه شتون او سیستماتیک تقلب موجودیت دی نو کمیسیون باید د ټاکنو شفافیت او مشروعیت ته د سیستماتیک تقلب مخه ونیسي داسې نه چې بیا پایله د عامه ذهنیت خلاف وخیږي امنیتي اورګانونه هم دا دنده لري چې تر وروستي حده هڅه وکړي تر څو ټاکنې په ښه وضیعت کې ترسره شي .

بیا هم ټینګار کوم چې دا لړۍ د پیل شي پر وړاندي یې ستونزې نشته دا لړۍ باید پراخه وي حتی سیار ټیمونه د موظف شي تر څو هر افغان وکولای شی چی د رایې کارت ترلاسه کړی شی د جعلي او تکراري کارت اخیستلو مخه د په کلکه ونیسي ټول هغه چارواکې او په ټوله کې مسوولین چې د ټاکنو په درغلیو کې یې لاس درلود باید عدلي او قضایي اورګانونو ته وسپارل شي که همدا سې پريښودل شي نو دا به لا تقویه او زیات شي ، د ټاکنو د کمیسیون عمده او قانوني وظیفه دا ده چی ټاکنې مدیریت او ورڅخه څارنه وکړي

او د ټاکنیزو شکایتونو کمیسیون حق او باطل سره جلا کړي.

په دې هیله چې هر افغان د خپلې ارادې د اعمالو پوره اختیار ولري