تاند- په افغانستان کې د ناټو تر ټولو جګپوړی جنرال وايي، د طالبانو لپاره دا تر ټولو ښه وخت دی چې د سولې خبرو ته کښېني.
په افغانستان کې د نړیوالو ځواکونو عمومي قوماندان جنرال جان نیکلسن نن /چهارشنبه/ په عین حال کې طالبانو ته خبرداری ورکړ چې که سوله ونه کړي نو یوازې به د دې ډلې خلاف هوايي او مځکني عملیات به شدید شي.
د افغانستان ولسمشر محمد اشرف غني تېره میاشت طالبانو ته د سولې وړاندیزونه وکړل، ویې وویل، د افغانستان د ملي یووالي حکومت حاضر دی چې له طالبانو سره اوربند وکړي او د دوی تحریک د یوه سیاسي ګوند په توګه په رسمیت وپېژني.
د افغانستان ولسمشر وویل، که طالبان وغواړي چې په اساسي قانون کې ځینې مواد تغییر شي، کېدای شي پرې غور وشي.
غني همداراز وویل چې د سولې په صورت کې به د طالبانو ټول بندیان خوشي او له تورو لیستونو څخه به د دوی مشران وباسي.
ده همداراز وویل، د افغانستان حکومت په هیواد کې دننه د طالبانو د دفتر له پرانیستل کېدو، د ازاد سفر په خاطر د پاسپورټونو له صادرېدو، د دوی د بندیانو د خوشي کېدو، د رسنیو د فعالېدو او د هغوی د کورنیو له استوګن کېدو سره موافق دی.
تراوسه پورې طالبانو دغو وړاندیزونو ته ځواب نه دی ویلی او د سیاسي چارو کتونکي دا د دې نښه بولي چې د طالبانو مشران لا هم په دې موضوع په خپل منځ کې بحث کوي.
جنرال نیکلسن، چې په افغانستان کې د ناټو او امریکايی پوځیانو مشري کوي، وویل، له کله چې د امریکا ولسمشر ډانلډ ترمپ د تېر کال په وروستیو کې په افغانستان کې د هوايي حملو اجازه ورکړې ده، طالبانو ته درنې مرګ ژوبلې اوښتې دي.
ده په عین حال کې په جګړه کې د افغان کومانډو ځواک د موثریت یادونه وکړه.
نیکلسن، چې د امریکا له دفاع وزیر سره له راغلیو خبریالانو سره په بګرام هوايي اډه کې خبرې کولې، وویل، دا په رښتیا چې د طالبانو لپاره تر ټولو ښه وخت دی چې د سولې خبرې وکړي، ځکه چې که اوس خبرې ونه کړي، حالات به د دوی لپاره خراب شي.
راپورونه وايي، دواړه خواوې د پسرلني موسم د جګړې لپاره تیاري نیسي.
If Taliban are dreaming of the type of the authority they had before, that will not happen again because the majority of the people do not agree with the type of the government they had before. They will not be able to beat the women on the street. If they don’t change they will not come to power again.