تاند، شنبه، د حوت ۳مه: د پنجشیر والي په یوه غونډه کې د عبدالله په مشرۍ د حکومت د جوړېدو ملاتړ وکړ.
کمال الدین نظامي وویل، عبدالله د ولسمشرۍ په انتخاباتو کې د پنجشیر د خلکو په ۱۰۰ کې ۹۰ رایې ګټلي او له همدې کبله یې پریکړه وکړه چې د نوموړي په مشرتابه د اعلان شوي حکومت ملاتړ وکړي.
په دې غونډه د پنجشیر ولایت د غونډو له تالار څخه د ولسمشر اشرف غني وروستي تصویر هم لرې او پر ځای یې د عبدالله عبدالله تصویر د منتخب ولسمشر په توګه وځړول شو.
دا په داسې حال کې ده چې نن په پروان ولایت کې هم د ثبات او همپالنې د ټیم سلګونو پلویانو د هغه څه خوښي ولمانځله چې دوی په انتخاباتو کې د عبدالله عبدالله بریالیتوب باله او ویې ویل چې ډیر ژر به دې ولایت ته د ښاغلي عبدالله په مشرۍ د جوړیدونکي حکومت له خوا والي معرفي کړي.
عبدالله نن سرپل ته هم په زور والي معرفي کړی خو د بغلان لپاره معرفي کړی والي یې چا نه دی پریښی او له ښار څخه د عبدالله هغه انځورونه هم ټول کړای شويدي چې عبدالله په کې منتحب ولسمشر بلل شوی و.
د ښاغلي عبدالله په ملاتړ دا غونډې په داسې حال کې کېږي چې د انتخاباتو خپلواک کمېسیون د ولسمشرۍ د انتخاباتو وروستۍ پایلې اعلان کړې چې په کې ولسمشر اشرف غني د انتخاباتو ګټونکی اعلان شوی.
نن په بلخ او هرات کې بیا د ولسمشرۍ ټاکنو د پایلو له اعلانه هرکلی شوی او د کمېسیون له لوري د بریالي اعلان شوي ولسمشر غني ملاتړ کوي.
دا خو سم سپین سترګی دی ولی یواځی پنچشیر افغانستان دی ؟
The governor of Panjsher looks very smart person I am not sure where did he get his Master Degree or PhD from. He says since double Abdullah won 90% of Panjshir votes he should become the president of the country, May be Abdullah X2 people are all thinking like this.