د یکشنبې په ورځ د ولایت مقام مرستیال والي عبدالحنان منیب د کندهاروالي په هدایت د هغو مسافرو څخه چي په دغه ولایت کي بند پاته دي لیدنه وکړه او د هغوي ستونزي یې له نېژدې واورېدې .
په دغه لیدنه کي د مرستیال والي ترڅنګ د کندهار سرپرست ښاروال، یوشمېر رئیسانو او تجارانو هم ګډون کړي وو .
مرستیال والي د خپلو خبرو پرمهال وویل : ولایتي اداره پوره هڅه کوي چي د دغو مسافرو ستونزي حل کړي، هغه زیاته کړه : د ولایتي ادارې په هڅو او د یوشمېر ملي تجارانو په همکارۍ يې دغو مسافرو ته د درېو وختونو د ډوډۍ او د څښاک د اوبو زمینه برابره کړې ده .
نوموړي وويل : دغه لړۍ به ترهغه وخته دوام ولرې ترڅو چي د کندهار او کابل لویه لاره د مسافرو پرمخ بيرته پرانيستل کېږي .
ښاغلي منيب همداراز زیاته کړه چي د مسافرو د روغتیا او تداوۍ له پاره یې يو شمېر د روغتیا ټېمونو ته دنده سپارلې ترڅو هغه مسافر چي ناروغه وي ورسره همکاری وکړي او تداوي یې وکړي .
همدارنګه مرستيال والي یوه پلاوي ته دنده وسپارل چي یوه ځانکړي سروې وکړي او هغه مسافر معلوم کړي چي ناروغان، ماشومان او مېرمني ورسره وي ترڅو ولایتي اداره یې د اوسېدولو له پاره د ځانکړي ځای زمینه برابره کړي او په ارامۍ سره شپې او ورځي تېري کړي .
په وروستيو کي عبدالحنان منیب د هغو تجارانو څخه ځانکړې مننه وکړه چي د دغه مسافرو سره يې د ډوډۍ په برخه کي همکاري کړې ده .
د ولايت مقام مطبوعاتي دفتر
دا ډېر نیک اقدام دی
د مسافرو د ستونزو د یوې برخی د اوارېدو تر څنګ د ټولو وړونو ملیتونو تر منځ چه د مسافرو ډله ئې تشکیله کړیدی یو ډول صمیمانه فضا او ښکلې روحیه را منځته کوی
دې مرسته کوونکو تجارانو ته دی هم خدای خیر او برکت ورکی