د کندز د جنګ د زیانمنو لپاره د مرستې غوښتنه

پتمنو او پر هېواد مینو درنو سوداګرو!
لکه څنګه چې پوهیږئ، د کندوز په ولایت کې ډېر دردونکي پېښه رامنځته او د لسو زرو نه ډېرو هېوادوالو ته یې مالي او ځانې زیانونه اړولوي دي، چې په ترڅ کې د کندز اوسېدونکي د هېواد شمالي او مرکزي ولایتونو ته کډه شوي دي.
دغه بې ځایه شوي هېوادوال په خورا بد حالت کې دي، چې له بده مرغه نه د اوسیدو ځای لري او نه هم د خوراک لومړني توکي.

د افغانستان د سوداګرۍ او صنایعو خونه تل په داسې حساسو حالاتو کې د با احساسه سوداګرو په مرسته د بې وزلو هېوادوالو سره مرستې کړي دي، دا ځل هم د ټولو درنو سوداګرو او پانګه والو څخه په خورا درنښت هیله کوي، چې د خپل اسلامي او دیني وجیبې له مخې د کندز له بې ځایه شوي ورونو او خویندو سره مرستې وکړي.

له تاسو ټولو درنو څخه په خورا درنښت هیله کېږي، چې خپلې نقدي مرستې د خونې په (سخاوت صندوق) کې جمع کړئ.