تاند- د ګریشک د فوټبال د لوبډلې درې لوبغاړي په یوه ترافیکي پېښه کې ځوانیمرګه شول.
د هلمند د ولایتي چارواکو په وینا د ګریشک لوبډله د یکشنبې په ماښام د ولایت له مرکز لشکرګاه څخه خپلې ولسوالۍ ته ګرځېده چې له پېښې سره مخامخ شول.
د هلمند د والي ویندوی عمر ځواک د دې پېښې د څرنګوالي په اړه ډېر جزییات نه دي وړاندې کړي خو ویلي یې دي چې د ګریشک د لوبغاړو موټر د لشکرګاه – ګریشک په لاره چپه شوی دی.
د ګریشک د فوټبال ټیم د مسابقې لپاره لشکرګاه ته تللی و او د لشکرګاه له لوبډلې څخه یې مسابقه هم ګټلې وه.
په افغانستان کې موټروان او موټرواني له کومه شوله؟
ځوانان چې د خپلې ځوانۍ او جهالت په نشه مست شي بیا همداسې دوړې کوي.
کاش چې د دوی سره د ژوند قدر او ارزښت وای