د یوه تازه فارغ شوي افغان ګیله

تحصیلي بورسونه، زما تجربه او د سترګو لېدلۍ حال! افغانستان هغه هېواد ده چې د نړۍ ګڼ هېوادونه سره له نورو مرستو د وړیا زدکړو چانس ورکوي، دا چې دغه چانس د افغانستان دولت په څه ډول کاروي دلته پرې غږېږم او خپله تجربه له دغو بورسونو منحیث د یو تازه فارغ شوي ځوان بیانوم. هند هېواد سره له نورو مرستو ډېر شمېر زدکړیز بورسونه افغانستان ته اعطاء کوي چې شمېر یې ۱۰۰۰ یا ۱۵۰۰ ته رسیږي خو لکه څرنګه چې زه خپله په دغو بورسونو کې په خپله وړتیا او لیاقت تللۍ وم او ځېنې ترخې خاطرې مې راوړې هغه دا چې د لوړو زدکړو وزارت دغه بورسونه پر ځاۍ د دې چې پکې وړ وګړو ته چانس ورکړي برخلاف هغه کسان چې کانکور کې یې لوړې نمرې اخیستې وي حال داچې دغه زدکړیالانو به دوه یا درې سمستره درس هم خپل پوهنځي کې لوستۍ وي لیږي او دا نه ګوري چې آیا دوۍ پر انګلیسي ژبه پوره بلدیت لري او کنه؟ هسې پر نوم یوه ازموینه ترې اخلي بیایې رالیږي او هلته هم دوۍ ته د ژبې زدکولو آسانتیاوې او کورسونه نه برابروي، حالانکې داسې تکړه پر انګلیسي ژبې مسلط کسان شته چې حکومت یې نه د هېواد دننه پوهنتونونو کې نیسي او نه د بورسونو چانس ورکوي کاش چې د انګلیسي ازموینه ترې واخلي زه ډاډه یم چې دوئ به بریالي شي، هم به دوۍ چې له زدکړو محروم دي د زدکړو خاوندان شي هم به یو بورس عبث نشي هم به حق حقدار ته ورسي چون د کانکور والا به خپلې زدکړې د خپلې خوښې پوهنتون کې چې د کانکور له طریقه ورته بریالي شوي پرمخ بیایي. زه داسې ډېر کسان هند کې پېژنم چې له خپل ولایته یې جیږې نمرې اخیستې وې او طب ته بریالي ول او حتا یو کال یې لوستئ هم وو بیا هم دولت دغه بورسونو کې راولېږل، خو چون انګلیسي کې یې خورا ستونزه وه او کالجونو کې یې نه لوست زده کېده نه د سمستر ازموینو کې کامیابېدل او پښېمانه وه چون هم یې طب، اقتصاد او انجینري وطن کې له لاسه ولاړ او هم هند کې ستونزو سره لاس ګرېوان دي. له حکومته هیله من یم چې یوه پر ځاۍ پالیسي و کاوروي نه یوازې د لوړو زدکړو په برخه کې بلکې هر ارګان کې چون عدلیې وزارت ته یې ډاکتر وزیر ګمارلۍ مخابراتو ته روانشناس کورنیو چارو ته یو بې تخصصه او داسې نور

ابوبکر ځلاند