تاند- انټرفکس روسي خبري اژانس نن /جمعه/ وویل، مسکو باور لري چې د افغانستان د ولسمشر محمد اشرف غني مداخلې د قطر د دوحې غونډه تخریب کړه.
د افغانستان لپاره د روسیې د ولسمشر ځانګړي استازي ضمیرکابلوف انټرفکس خبري اژانس ته وویل«موږ په دې خواشیني یوو چې د افغانستان ولسمشر هڅه وکړه هغه اصول بدل کړي چې په پیل کې د دې ډول غونډو د تنظیم لپاره جوړ شوي وو.»
ده همداراز ویلي، ګرانه ده چې په اوس وخت کې په دې اړه څه ووايي چې د دوحې غونډه یو مخ لغوه شوې او که ځنډېدلې ده.
«اوس له هر شي داسې ښکاري چې ځنډېدلې ده.»
د افغانستان حکومت او طالبانو لغوه شوې بللې ده.
طالبانو د دې غونډې د لغوه کېدو پړه د افغانستان پر حکومت اچولې (تفصیل).
کابلوف هم د طالبانو دریځ تاییدوي او وايي«خبره دا ده چې د افغانستان واکمن ولسمشر هڅه کړې چې دا طرحه ګډه وډه کړي، ده د نژدې ۲۵۰ تنو لیست جوړ کړ او هڅه یې وکړه چې ټول قطر ته ولېږي. طالبانو پرې وخندل او ویې ویل چې اشرف پر غونډې د واده خیال کړی دی.»
د قطر د غونډې پر لغوه کېدو د افغانستان پخواني ولسمشر حامد کرزي، د افغانستان د سولې لپاره د امریکا خاص استازي زلمي خلیلزاد او د دې غونډې تنظیموونکي سلطان برکات خواشیني ښکاره کړې ده.
حامد کرزي له امریکا غوښتي چې د بین الافغاني غونډې د کېدو لپاره له فشاره کار واخلي.
حامد کرزي له امریکا غوښتي چې د بین الافغاني غونډې د کېدو لپاره له فشاره کار واخلي.
Very impressive that President Karzai still remember on whom to call, in order to put Afghans authorities in there places.