دوهمه برخه
درېيم مثال: د ستوري علامه په AVERAGEIF فنکشن کي داسي کاروو:
په مخکيني مثالونو کي مو د ستوري علامه (*) په COUNTIF او VLOOKUP کي وکاروله، اوس غواړو دا ځل د AVERAGEIF په فنکشن کي يې ورکاروو.
راځئ وګورو چي څنګه په AVERAGEIF فنکشن کي د ستوري وایلډکارډ کارولی سو.
لاندي دېټا په نظر کي نیسو، په لومړي کالم کي د توکو نومونه او په مقابل کې (کي یې) د پلور تعداد ښودل سوی دی.
حل: څنګه چي په دېټا کي ګورو، کريم لرونکي توکي سره توپير لري، بیسکويټ هم پکښي سته، د مېوو اوبه هم پکښي سته؛ نو دلته موږ ټول هغه توکي چي کرِيم لري؛ اوسط يې داسي پیدا کوو.
بشپړ فنکشن:
=AVERAGEIF(A3:A12,” Creamy*“,B3:B12)
د فنکشن توضيح:
د فنکشن جوړښت:
=AVERAGEIF(range, criteria,[averageـrange])
۱:- د AVERAGEIF فنکشن پيلوو.
=AVERAGEIF( )
۲:- د فنکشن د Range په ساحه کي د جدول د توکو برخه ټوله انتخابوو، چي دلته A3 تر A12 پوري د یاد کالم ادرس دی. فنکشن داسي شکل نیسي.
=AVERAGEIF(A3:A12,…)
۳:- د CRITERIA په ځای کي خپل شرط ورته بیانوو، په شرط کي ورته وایو چي هر هغه توکی چي د Creamy لفظ پکښې کار سوی، په نظر کي ونیسه، او راته يې «اوسط» وښييه، البته دلته د Creamy لفظ په ګوټېشن مارک کي نیسو، او په وروستۍ برخه کي یې د ستوري وایلډ کارډ کاروو.
=AVERAGEIF(A3:A12,” Creamy*“,
۴:- د Average_Range ارګيومینټ په ځای کي د توکو مقابل کالم چي ارقام پکښي ذکر سوي، انتخابوو.
=AVERAGEIF(A3:A12,” Creamy*”,B3:B12)
څلورم مثال: دلته به د ستوري وایلډ کارډ د SUMIF فنکشن سره وکاروو.
د مثال لپاره د لاندي جدول دېټا په نظر کي نيسو.
څنګه چي وینئ د جدول په لومړي کالم کي د توکو لیسټ او په دوهم کي يې تعداد ښودل سوی دئ، د SUMIF فنکشن په ذريعه غواړو د هغو توکو ټولټال پيدا کړو چي د Disk لفظ ورسره کار سوی وي.
د فنکشن جوړښت:
=SUMIF(RANGE,CRITERIA,[SUM_RANGE])
حل:
۱:- په لومړي سر کي د SUMIF فنکشن پيلوو.
=SUMIF( )
۲:- په قوس کي د RANGE په برخه کي د جدول څخه د توکو نوملړ انتخابوو؛ دلته A2:A9 د نوملړ ادرس دی.
=SUMIF(A2:A9,…..)
۳:- د CRITERIA په برخه کي خپل شرط ته بیانوو، دلته موږ ورته وایو چي هر هغه توکی چي د DISK لغت مخکي راغلی وي، په نظر کي ونيسه.
فنکشن دغه شکل نيسي:
=SUMIF(A2:A9,”*DISK”,…)
۴:- اوس د فنکشن په وروستۍ برخه SUM_RANGE د ټولټال لپاره ارقام انتخابوو، چي موږ د QUANTITY خوني انتخابوو، چي له B2 څخه تر B9 پوري در بر نیسي.
=SUMIF(A2:A9,”*DISK”,B2:B9)
په نتيجه کي موږ ۷۵ راکوي
تېره برخه:
د فورمولې پرته هم له ستوري کار اخیستی سو؟