جان مکین

د امریکا د سنا جرګې د دفاعي کمېټې مشر مخکښ سنېټر جان مکین د متحده ايالاتو د سنا جرګې ته د افغانستان په اړه يوه طرح وړاندې کړې ده چې په اساس به يې په افغانستان کې د سولې او ټېکاو د ټينګښت په موخه پر پاکستان، ډیپلوماټیک، پوځي او اقتصادي فشارونه راوړل کېږي.

دا طرح نه يوازې په افغانستان کې د سولې او ټېکاو د ټينګښت په موخه جوړه شوې، بلکې لويه برخه يې په افغانستان کې د بهرنيو سرتېرو پر ضد د ترهګرو د بريدونو او جګړو کمزوري کولو ته هم ځانګړې شوې ده.

تېر ته په کتو، که څه هم تر اوسه پورې د ښاغلي مکين کمې طرحې د امريکا د کانګريس له خوا رد شوې دي، خو د اوسنۍ هغې د وړاندې کولو پر مهال بايد د افغانستان حکومت هم ځينې اقدامات وکړي.

دا خو تر لمر روښانه ده چې پاکستان له کومې ورځې زېږېدلی، له هماغې ورځې راهيسې يې د افغانستان په بربادۍ پسې رااخيستې او له هرې لارې چې يې وس رسېدلی، افغانان يې ځپلي دي، د سيمې لوی او واړه ټول پوهېږي، خو نړۍ ته قناعت ورکول او دغې خوا ته د نړيوالو پام رااړول، بېله ژبه او بېل الفاظ غواړي.

په دې تېرو پنځه‌لسو کالو کې چې په افغانستان کې هر بريد شوی دی، له امنیتي او کشفي ارګانو نيولې، تر حکومتي چارواکيو او عامو وګړو پورې، ټولو چيغې کړې چې مسوول پاکستان دی او دا خلک د هغه هېواد استخباراتو وژلي دي، خو حتا موږ په وطن کې راسره مېشت بهرنيان هم ډاډه نه کړای شوای چې ووايي، هو د دې ټولو ناخوالو، ناامنيو او بريدونو مسوول پاکستان دی.

موږ حتا ګاونډي او خپل راڅېرمه څو خواخوږي هېوادونه هم ډاډه نه کړای شوای چې په درد مو راسره وژاړي او پاکستان ته ګوته وڅنډي چې په دې خلکو دې نور کار نه لري.

خو په مقابل کې پاکستان چې دا هر څه کوي، د کوټې شورا په کوټه کې مېشته ده، د طالبانو ملا عمر په پاکستان کې ومړ، ملا منصور يې په پاکستان کې وواژه، ملا هبة الله چې په کوټه کې واده وکړ، لاهور ته په هني مون ولاړ، دا اوس هبة الله په کوټه کې داسې ګرځي لکه د خواښې کره چې اوسي، ملا برادر په کراچۍ کې ونيول شو، اسامه په ايبټ اباد کې ووژل شو، حقاني شبکه په پاکستان کې فعاله ده، يوه نه بله ورځ طالبان د ډېورنډ له پورې غاړې زموږ پر سرحدي ځواک بريدونه کوي، هره ورځ سلګونه په وسلو بار طالبان تر ډېورنډ رااوړي، هر ځانمرګی چې نيول شوی، ويلي يې دي چې تر ډېورنډ پورې غاړه د پاکستان په پلانۍ مدرسه کې پلاني ملا روزلی يم، خو بيا هم پاکستان سپين چرګ دی، په سپين سترګۍ نارې وهي چې د افغانستان په بربادي کې لاس نه لري، طالبان نه پېژني، په افغانستان کې سوله غواړي او له بده مرغه درسته نړۍ يې هم ورسره مني. ځکه پاکستان د نړي په ژبه پوهېږي، پاکستانيان تر موږ ډېر څالاکه دي.

د کرزي صاحب د واکمنۍ پر مهال په واشنګټن کې د افغانستان په سفارت کې، چې دا مهال د افغانستان تر ټولو مهم سفارت دی، ښځې نڅېدې، فعاليتونه يې ټول د جنګسالارانو تر نمانځنو، پايکوبيو او پيک اخيستو پورې محدود وو، خو د پاکستان ډيپلوماټونو هغه مهال بريالۍ لابي کوله او په دې توګه موږ پنځلس کاله ګونګ پاتې وو.

نن چې هلته سفارت تر پخوا ښه شوی، ځوانان تللي، له امريکايانو سره په خبره پوهېږي، وړتيا او استعداد لري، بايد حکومت کار ورڅخه واخلي.

هغوی بايد وهڅول شي چې په دې ورځو کې د سنا له بېلابېلو غړيو سره کښېنې ويې پوهوي چې د مکين دغه طرحه تاييد کړي، ډاډه يې کړي چې پاکستان مردارې هګۍ جنګوي او په دې توګه، د افغانستان پر ګټه، پر توده اوسپنه يو خوندور ګوزار وکړي.

سرخط ورځپاڼه

 

6 thoughts on “سرخط؛ اوسپنه ګرمه ده، خو که حکومت ګوزار وکړي”
  1. دتیرې دوشنبې په ورخ چې په دریمه کارته کې کومه چاودنه وشوه په همغه ورځ په لاهور کې هم چاودنه وشوه پاکستانی ورځپانو دخبرسلیک داسې وو (کابل مین ۲۶ هلاک اورلاهور مین ۲۴شهید )- له دې معلومیږی چې دا حرامیان موږمسلمان هم نه ګڼی اوزموږمجاهلینوسخته دوکه خوړلې وه – خو اوس باید هغه افغانان چې دپاکستان ګوډاګیان دی هغوی هم مټې رابډ وهی اوددې ناولی هیواد چلوټې څرګندې اوپه ضد یې کړنې تر سره کړی -ژوندی دې وی دپاکستان دښمنان

  2. ”تېر ته په کتو، که څه هم تر اوسه پورې د ښاغلي مکين کمې طرحې د امريکا د کانګريس له خوا رد شوې دي، خو د اوسنۍ هغې د وړاندې کولو پر مهال بايد د افغانستان حکومت هم ځينې اقدامات وکړي
    . ”

    “دا خو تر لمر روښانه ده چې پاکستان له کومې ورځې زېږېدلی، له هماغې ورځې راهيسې يې د افغانستان په “بربادۍ پسې رااخيستې”

    Afghans should learn patriotism from Sen. John McCain while a cell eating cancer already spread in his brain and a surgical cut visible above his eyebrows during his passionate speech taking time commenting on Afghanistan.

    Most elites of current Afghan government are the product of growing up in Pakistan and their hand and mouth are still sealed and tied in Pakistan inelegance agencies archives. As such they are not free to speak against Pakistan holding their past record as hostage getting ransom from Afghan government.

    First Pakistan dependent Afghan government elites need to be fired and then progress will be visible

  3. Sen. John McCain above picture is old. His picture/vidio during the subject speech a few days ago shows a deep surgical cut above his left eyebrow to reach cancer cells in his brain.

  4. پاکستان چه ۶۵کاله دمخه راوزيږدئ دهم دې هيوادو په کومک راوزيږدئ لکه انګريز او دآسلامي مدرسو ترويج او وحشت اوترور او اختناق رواجول دهم دې هيوادو په مالې کومک سره رامنځ ته سو.
    پاکستان چه اټوم ئې پيداکړ همدې هيوادو ورکړ.دپاکستان ۱۰فرقه چه تر ټولو غټه فرقه ده دآنګريز له خواه جوړه او ۲۱کاله ئې انګريز په راءس کي واقع وء او دافرقه صرف وصرف دآفغانستان لپاره چه آفغانستان په وڅپي.همدااوس دآفغانستان اردو ئې خلع سلاح او ټول مهات ئې پاکستان ته ورکړه.
    کله چه دآمريکاه۱۵۰۰۰فوځ دآفغانستان څخه وتۍ خپله سلاح ئې ټوله وپاکستان ته ورکړه.
    داټوله په څه معنی ؟داددې نمايندګي کوي چه آمريکاه په دې پوه ده او پوه وه چه په آفغانستان کي دتروريزم عوامل خپله آمريکاه او انګلس او سعودي او نور متعصب عربي هيوادونه دي او ددوئ په راءس کي آمريکاه واقع ده.په آمريکاه او ددوئ په پارلمان باور دا به لويه تير وتنه وي چه باور پر وشي.
    دآفغانستان په جنګ او تباهي کي هر څه چه پاکستان کوي دخپلو بادارانو په دستور يعني آمريکاه او انګلس په ذريعه کوي.آفغانانو ته پکار ده چه نور ددغو دسيسو په مقابل کي متحد او يو موټي سي تر څو ددغسو غميزو مخه ونيسو که نه جنګ به پر آفغانانو په مختلفو شکلو تحمل کړي مثلا لکه فقر ،بيکاري ،مخدره موادو ترويج،دمختلفو وايرثو خپرول چه ډير خطر ناکه دي او دجهان په مختلفو هيوادو کي ئې په قصدي توګه پخش کړي او هر کال په زرهاو انسانان دمنځه وړي او ددوامداره جنګ ادامه او دآفغانانو تباهي،او دجنټيک موډپائ زراعت او غذائې موادو خرڅول چه دسرطان مرضي په وجود راوړي او په زرهاو خلګ دمنځه وړي او دداسو نور بيالوژيکي وايرثو پاشل چه نسلونه دمنځه وړي.مننه

ځواب ورکول Yasir Khan ته ځواب لرې کړه

ستاسو برېښناليک به نه خپريږي. غوښتى ځایونه په نښه شوي *