تاند، چهار شنبه، د عقرب ۱۵مه: د بغلان چارواکي وايي، طالبانو د کابل پوهنتون استاد پوهاند عزیز احمد پنجشېري نن سهار د بغلان- کندوز پر لویه لار له موټره کوز کړی او وژلی یې دی.
د بغلان د امنیه قومندانۍ ویاند احمد جاوېد بشارت تاند ته پېښه تاییدوي او وايي، طالبانو د پوهاند عزیز احمد مړی د مرکزي بغلان په همت خېلو کلي کې اچولی دی.
د مرکزي بغلان ولسوالۍ د کلنیک جراح ډاکټر خلیل احمد نرمګوی وايي، پلټنې یې ښيي چې دا استاد ۶۵ کلن و او کلاشنکوف په ډزو ویشتل شوی دی.
بلخوا د کابل پوهنتون چارواکي وايي، ښاغلی پنجشېری څلور کاله وړاندې تقاعد شوی او اوس له کابل ښاروالۍ او اطلاعاتو او فرهنګ وزارت سره په دنده بوخت و.
طالبانو داځل داسې ..ول خوړلی چې څوک به یې په تاریخ کې ونه خوری