تاند – په پکتیکا کې د ځانګړیو ځواکونوقوماندان عزیزالله کاروان د کابل ښار په مکروریان سیمه کې ووژل شو.
پېښه نن /د سرطان ۷مه/ د ماښام خواوشا ۸:۳۰ بجې د درېیمو مکروریانو په سیمه کې وشوه، او طالبانو رسنیو ته ویلي چې په کاروان باندې هغوی ډزې کړي دي.
مکروریان د کابل له ګرین زون یا امن ساحې څخه وروسته د کابل ښار ډېره امن لرونکې سیمه بلل کیږي.
د کابل ښار د امنیه قوماندانۍ ویاند حشمت ستانکزی وایي، چې د درېیمو مکروریانو په فردوسي پارک کې وسله والو ډزې کړي چې دوه کسان یې وژلي او د یوې ښځې په شمول درې تنه نور یې ژوبل کړي دي.
د کورنیو چارو د وزارت ویاند نجیب دانش هم منلې ده چې د پکتیکا د ځانګړیو ځواکونو قوماندان نن په کابل کې وژل شوی دی.
ویل کیږي، چې په عزیزالله کاروان باندې په تېرو څو کالونو کې د ۱۳ځانمرګو بریدونو په شمول په لسګونو ځلې بریدونه شوي ول خو نوموړی ترې روغ وتلی وو.
دداسې یو باتور شهیدول د کابل په زړه او د ټولو نه امن سیمه کې خو مې ددې دولت نه چورلټ زړه موړ کړ او بیخي مې ترې تمه غوڅه شوه.