لاريون کوونکي: جمعه خان همدرد دې محاکمه شي

راپور: همت – 

د پکتيا په مرکز ګردېز کې لسګونو کسانو د يو لاريون په ترڅ کې د رشوت غوښتلو په سر د اريوب ځاځيو د ولسوال وهل وغندل او د دې ولايت د والي او ريیس د دفتر د محاکمې غوښتنه يې وکړه.

لاريون کوونکو چې د والي جمعه خان همدرد تصويرونه له ځانه سره ليږدول له مرکزي دولته د نوموړي د محاکمه کيدو غوښتنه وکړه.

لاريون کوونکو د اريوب ځاځيو ولسوال وهل په کلکه وغندل او ویې ويل چې د پکتيا ولايتي چارواکي قومي مخورو او هغه کسانو ته چې په رشوت کې ورسره همغږي نه وي سپکاوی کوی بدې خبرې ورته کيږي او ډوبل کيږي.

(( دا زموږ لپاره د منلو وړن دی له مرکزي دولته غوښتنه کوو چې د والي په ګډون ريس د فتر محاکمه شي))

يو بل لاريون کوونکی وايي (( زما غوښتنه داده دا وهل چې کوي او خلکو ته سپکاوی کوي مراجعينو کنځلي کوي بايد د ولايت څخه لاړ شي))

د اريوب ځاځيو ولسوال عبدالرحمان سوله مل وايي، څلور مياشتې کيږي چې د اصلاحات اداري له لوري د ازاد رقابت له لوري يادې ولسوالۍ ته کمياب شوی خو د ولايت له لوري اجازه نه ورکول کيږي چې دنده اجرا کړي.

نوموړی وايي، چې د والي د دفتر د ريس له لوري هغه وخت وډبول شو چې د ۸ زرو ډلرو روشوت خبره يي ونه منل شوه.

(( دوئ له ما څخه غوښتنه کوله چې ۸ زره ډالره روشوت ورکړم ما چې د رشوت ورکولو انکار وکړ د ولايت د ساتونکو او حشمت له لوري ووهل شوم))

د عبدالرحمان سوله مل کوچنی زوی چې د پلار تصويرونه يي په لاسونو کې وو په ژړغوني غږ د مرکزي دولت تر څنګ دبشر حقوقو له خپلواک کميسون او له يونامه څخه غوښتنه وکړه چې د دوئ غږ واوري.

(( زه په دې ډېر خفه يم چې زما پلار د والي صیب عسکرو وهلی دی زه غوښتنه کوم چې محاکمه شي))

په دې اړه مو وغوښتل چې د ولايتي ادارې نظر له نږدې او يا هم په ټليفون واخلو،  خو ولايتي چارواکو له خبرو کولو ډډه وکړه.

دا لومړی ځل ندی چې د پکتيا اوسيدونکي په ولايتي اداره کې د سمون او بدلون غوښتنه کوي، له دې وړاندې پنځه ځله د دې ولايت اوسيدونکو په اعتراضيه غونډو او لاريونونو کې د والي د بدليدو غوښتنه کړې وه.

د پکتيا اوسيدونکي له ولس مشر کرزي څخه نارضا دي او وايي چې شبږ کاله کيږي چې والي جمعه خان همدرد د دې ولايت والي دی، خو په تيرو شپږو کلنو کې ولس مشر يوه ورځ د پکتيا د مظلم ولس کړيکې او چيغې وا نه وريدې چې په دې ولايت کې څه روان دي.