تاند، یکشنبه، د سنبلې ۱۷ مه: د لندن پولیسو دوه افغانان د یوې پورن سټارې او د اسلام نفي کوونکې مېرمنې د برمته کولو په تور نیولي دي.
بریټانوي ورځپاڼو خبر ورکړی چې ۵۴ کلن محمد پتمن او ۴۹ کلن دریا خان ساپي غوښتل چې د ښاغلي پتمن هغه ۲۵ کلنه لور ترور کړي چې له خپل مېړه سره په سلواکیا کې د جنسي فلمونو شرکت سره کار کوي.
دا دواړه پرون په لندن کې د انګریزي ایف بي آی په نوم مشهورو بریټانوي پولیسو لخوا نیول شوي دي.
د بریټانیا د دغې پولیسي ادارې این سي ای ویاندوی دفتر وايي، په دغو دواړو کسانو پسې سلواکي پولس ګرځېدل: (( دوی د هغې مېرمنې او میړه د وژلو پلان جوړ کړی و چې اتریش کې اوسېدل او په سلواکیا کې یې له یو شرکت سره کار کاوه، خو ددوی پر پلان له پوهیدو وروسته د سلواکیا پولیس د دواړو د نیولو په لټه کې وو.))
پولیسو ویلي، د دغو دواړو نیول شویو کسانو له ټلیفوني تماسونو څېړلو وروسته یې معلومه کړه چې دغه دواړه په څه ډول د دغې مېرمنې او میړه د وژلو پلان جوړوي.
دغه ښځه او مېړه چې په افغانستان کې یې له بهرنیو ځواکونو سره پخوا کار کاوه، د پناه غوښتنې د پروګرام له لارې اروپا ته رسېدلي وو او په ۲۰۱۷ کال کې سلواکیا ته تللي او یهودیت ته اوښتي وو.
د این سي ای د تحقیقاتو رئیس متیو پرفکټ وايي، دواړو میړه او ښځې په سلواکیا کې د جنسي فلمونو کار ته مخه کړه، عکاسي به یې کوله او کله کله به لوڅو فلمونو کې هم راڅرګندېدل: (( دغه دوه تورن کسان به د پنجشنبې په ورځ محکمې ته وړاندې شي، تر څو د جرم له ثابتېدو وروسته سلواکیا ته وسپارل شي.))
دا په لندن کې د خپل نوعیت اوله پیښه ده خو پولیسو د اداکارې نوم نه دی په ډاګه کړی.
افغانستان د نړۍ په پېژندل شوي دوه ښځینه ستورۍ لري یوه بریشنا بهار ده چې د افغانستان په سینما کې هم وتلې ستورې ګڼل کېده او اوسمهال په مهاجرت کې له افغانستان بهر ژوند کوي دوېمه پورن سټار یا هم د لوڅو فلمونو انجلۍ ده او یاسمینه بهار نومیږي په کابل کې زېږېدلې او زیات لوڅ فلمونه لري د غربیانو په اند یوه ادارکاره او هنرمنده ده
دواړه په ویکیپیډیا کې هم خپلې پاڼې لري