تاند- د افغانستان د دفاع وزارت یوه جګپوړي چارواکي نن /چهارشنبه/ وویل چې وسله والو طالبانو د پاکستان په خاوره کې یوه مهمه غونډه کړې ده.
د افغانستان لوی درستیز جنرال قدم شاه شاهین په کابل کې خبریالانو ته وویل، د طالبانو غونډې او د وفادارۍ اعلانونه د پاکستان په خاوره کې کېږي.
ده د پاکستان د پوځ له لوري د افغانستان پر ختیځو ولایتونو د درنو وسلو د ګولیو ویشتل وغندل، ویې ویل چې د افغانستان مشران هیله لري چې پاکستان به دا ډول پاروونکي اقدامات ژر تر ژره ودروي.
د جنرال شاهین په وینا د طالبانو بېلابېلې ډلې په خپل منځ کې اختلاف لري او مرکزي قومانده یې کمزورې شوې ده چې دا د افغانستان د وسله والو ځواکونو لپاره یو زېری دی.
خو راپورونه وايي چې د حقاني شبکې په وروستیو کې د طالبانو د مشرانو ترمنځ د اختلافاتو په کمولو کې مهم رول لوبولی دی.
د پاکستاني رسنیو د راپورونو له مخې، د حقاني شبکې مشر سراج الدین حقاني د طالبانو د مشرتابه پر سر د اختلاف په لانجه کې منځګړتوب کړی او دا لانجه یې د طالبانو په رهبري شورا کې د ملا عمر د کورنۍ د غړیو په شاملولو سره تر ډېره غوڅه کړې ده.
پاکستاني رسنیو دا راپورونه تر دې څو ورځې وړاندې خپاره کړل چې طالبان پسرلني عملیات پیل کړي.
وه وروره دا د افغانستان لوی درستیز قدم شاه شهیم دی، نه شاهین!!!