تاند- په افغانستان کې هر کال له ۱۰۰ تر ۱۵۰ تنه د لېونیو سپو د داړلو له کبله له ژونده بې برخې کېږي.

د کابل ښاروالي مرستیال مسیح الله محبوب وايي«لېوني او دیدو سپي د خلکو د داړلو له لارې د لېوني سپي میکروب خپروي. د لېوني سپي له لوري داړل شوی کس په اسانه نه تداوي کېږي او له همدې کبله په ټول افغانستان کې د لېونیو سپو د داړلو په نتیجه کې د کال له سلو تر یو نیم سل افغانان مړه کېږي.»

ده زیاته کړه، له دې خطره د خلکو د ژغورلو لپاره کابل ښاروالي د څارویو له مایهو ټولنې (Mayhew Animal Association) سره یوه موافقه لاسلیک کړې ده.

ښاغلي محبوب وویل چې د دې موافقې پر اساس به کابل ښاروالي د مایهو ټولنې په همکارۍ هڅه کوي چې هر کوڅه ډب سپی واکسین کړي څو کابل ښاریان د لېوني سپي د ناروغۍ له خطره وژغورل شي.

د کابل مرستیال ښاروال ونه ویل چې د افغانستان د عامې روغتیا وزارت یا په خپله ښاروالي ولي نه شي کولی چې د بهرنیانو له مرستې پرته کوڅه ډب سپي واکسین کړي.

ده په عین حال کې وویل چې کابل ښاروالي او مایهو ټولنه به په ګډه په دې کار وکړي چې خلک د لېوني سپي د داړلو له خطره او د داړل کېدو په صورت کې له هغو اقداماتو خبر کړي چې داړل شوی کس یې باید عملي کړي.

د مایهو ټولنې پراجیکټ ډایرکتر عبدالجلیل محمدزي وویل، په هند کې د دوی تجربې ثابته کړې چې کوڅه ډبو سپو ته واکسین د لېوني سپي د ناروغۍ په مخنیوي کې ډېره مرسته کوي.

ده ونه ویل چې په دې کمپاین به څومره پیسې ولګېږي خو یادونه یې وکړه چې ډېر مصرف لري.

2 thoughts on “هر کال له ۱۰۰ تر ۱۵۰ افغانان د لېونو سپو په داړلو مړه کېږي”
  1. دا ډیره عجیبه شانته معامله ده؟ یو بشپړ ملک د کوڅه ډبو سپیو دچاری او کابوکولو څخه عاجز دۍ. پخپله په خیرات چلیږی بیا د کوڅه ډبوسپیو د واکسین چاری د بهرنۍ موسسي سره قرارداد کوی.ددی ستونځي چاره دا هم نده ځکه د سپیو د آبادۍ وده ډیره ګړندۍ ده. اووژل یی د انسانی اواسلامی اخلاقو څخه لیری دی .بنا پردی غوره لاره یی دغه ده چی داسی دوا ورکړل شی تر څو کوڅه ډبی سپی شنډ شی اود نسل د زیاتولو توان یی کمزورۍ شی .د بیوزلوهیوادونو لویه ستونځه د آبادۍ ډیریدل اودسرچینو کمښت دۍ.

  2. داسپي دې له یوداسې هیواد سره قرارد کړي چې هلته د سپیو ساتل او یا د هغوي د غوښو خوړل دود وي.

ځواب ورکول حسن ته ځواب لرې کړه

ستاسو برېښناليک به نه خپريږي. غوښتى ځایونه په نښه شوي *