تاند- د افغانستان ولسمشر وايي، طالبان باید د افغانستان له حکومت سره مخامخ خبرې وکړي چې د افغانستان ۱۷ کلنه جګړه پای ته ورسېږي.
ولسمشر محمد اشرف غني نن /پنجشنبه/ په کابل کې له بلومبرګ سره په مرکه کې وویل، طالبان او نورې تروریستي ډلې هڅه کوي چې «زموږ ښکلی هیواد د جګړې او تشدد په میدان بدل کړي. موږ باید د سولې لار خپله کړو، د دایمي او تلپاتې سولې.»
ښاغلي غني په دې مرکه کې ویلي چې د راتلونکي کال د ولسمشرۍ په انتخاباتو کې به ځان کاندید کړي چې خپل نابشپړ کارونه بشپړ کړي.
دا لومړی ځل دی چې ښاغلی غني رسماً وايي د راتلونکي لمریز کال د حمل د ۳۱ نېټې د ولسمشرۍ انتخاباتو ته ځان کاندیدوي.
د ده ځینې سیاسي مخالفان هم هڅه کوي چې پر یوه کاندید جوړ راشي.
د شمال پخوانۍ ټلواله، چې اوس یې د افغانستان د ستر ملي ايتلاف په نوم ټلواله جوړه کړې، له یوې مودې راهیسې سلامشورې کوي چې ولسمشرۍ ته پر کاندید موافقه وکړي.
SALAMOALIKUM/IF PEOPLES THINK POSITIVE/ASHRAF GHANI IS BETTER FROM ANY OTHER,
ASHRAF GHANI CAN DO GOOD.
BUT WE NEED MORE ATTENTION FOR NANGAR HAAR,
LAST PERIODE HE FORGOT NANGARHAR.
THANK YOU