تاند- د افغانستان ولسمشر اشرف غني وايي، د هیواد او هیوادوالو د امنیت ساتنه به په هر قیمت چې وي ساتنه وکړي.
ولسمشر غني دا خبره د کابل د استقلال لېسې د پرونۍ تروریستي حملې په لړ کې له ټپي شویو سره په روغتون کې د کتنې په مهال وکړه.
په دغه برید کې، چې ویل کېږي د یوه پنځلس یا شپاړس کلن ماشوم په وسیله وشو، یو بهرنی وژل شوی او ۲۰ افغان نندارچیان ژوبل شوي دي.
جرمني وايي چې وژل شوی بهرنی د دغه هیواد تبعه دی.
طالبانو د برید مسوولیت په غاړه اخیستی او د افغانستان د ملي امنیت ریاست ویلي چې دا برید د حقاني شبکې کړی دی.
ولسمشر غني د کابل په ایمرجنسي روغتون کې د ټپیانو د پوښتنې په مهال وویل:«زه به په هر قیمت چې وي هیواد وساتم. خلک او هنرمندان به خپل کار ته دوام ورکړي.»
د افغانستان ملي امنیت نن /جمعه/ وویل چې د استقلال لېسې برید د حقاني شبکې له لوري شوی دی.
د دغه ریاست د ویاند حسیب صدیقي په وینا په دغه ځانمرګي برید کې یو پنځلس کلن ماشوم استعمال شوی دی.
د ملګروملتو په ګډون جرمني او فراسنې دا برید په کلکه غندلی دی.
ى مرك په هغه انسانانو څه دا كار يي كړ