تاند، یکشنبه، د عقرب ۵مه: د ټاکنو کمېسیون د راتلونکې نومبر میاشتې ۱۴مه د ولسمشریزو ټاکنو د لومړنیو پایلو د اعلان نېټه وټاکله.
د ټاکنو کمېسیون مشره حوا علم نورستانۍ وايي، دوی د لا دقت لپاره د ټاکنو د پایلو په اعلان بیړه نه کوي.
نوموړې نن یکشنبه څو شیبې وړاندې په یو خبري کنفرانس کې ټینګار وکړ، چې کمېسیون به دا ځل ټاکل شوې نېټه باندې خامخا د ټاکنو لومړنۍ پایلې اعلانوي او له دې به زیاتې نه ځنډېږي.
د ټاکنو کمېسیون د سپټمبر د ۲۸مې د ولسمشریزو ټاکنو لپاره د اکتوبر ۱۹مه د لومړنیو پایلو ورځ ټاکلې وه، خو وروسته د تخنیکي ستونزو له کبله کمېسیون له ملت بخښنه وغوښته او زیاته یې کړه وخت ته اړتیا لري چې د ټاکنو لومړنۍ پایلې په کې اعلان کړي.
د ټاکنو د پایلو ځنډ خلک مایوسه کړی په راتلونکو کې به خایی په ټاکنو کې برخه وانحلی .