ټولو نومول شویو وزیرانو ته ولسي جرګې د تایید رایې ورکړې

تاند- ولسي جرګې د حکومت ټولو کاندید وزیرانو ته د اعتماد رایې ورکړې.

اوس د دفاع له وزیره پرته د کابینې ټول وزیران د ولسي جرګې له لوري تایید شوي دي.

ولسمشر غني ویلي چې ژر به د دفاع وزیر هم ونوموي.

عبدالرزاق وحيدي د مخابراتو او معلوماتي ټکنالوژۍ په ١٥٢ رایو تایید شو.

عبدالستار مراد د اقتصاد وزير شو. ده له ولسي جرګې ١٥٢ تاييدي رايې واخيستې.

نسرين اورياخېل چې د کار او ټولنيزو چارو وزارت کانديد وزيره وه، وتوانېده د ولسي جرګې ١٦٩ تاييدي رايې واخلي او د دې وزارت وزيره شي.

محمد ګلاب منګل د سرحدونو او قبايلو چارو د وزير په توګه تاييد شو. ده د ولسي جرګې ١٨٨ تاييدي رايې واخيستې.

عبدالبصير انور د عدليې وزارت وزير شو. ده د ولسي جرګې ١٣٨ تاييدي رايې واخيستې.

ډاکټر محمد الله بتاش د ترانسپورټ د وزير په توګه وټاکل شو. نوموړي د ولسي جرګې ١٧٦ تاييدي رايې واخيستې او د دې وزارت وزير شو.

سلامت عظيمي د مخدره توکو په وړاندې د مبارزې وزيره شوه، نوموړې د ولسي جرګې ١٥٥ تاييدي رايې واخيستې.

محمود بليغ د فوايد عامې وزارت وزير شو. نوموړي د ولسي جرګې ١٦٨ تاييدي رايې واخيستې.

د ښځو چارو وزارت ته کانديد وزيرې دلبر نظري د ولسي جرګې ١٣١ تاييدي رايې واخيستې او د دې وزارت د وزيرې په توګه تاييد شوه.

نسرين اورياخېل چې د کار او ټولنيزو چارو وزارت کانديد وزيره وه، وتوانېده د ولسي جرګې ١٦٩ تاييدي رايې واخلي او د دې وزارت وزيره شي.

د ښارجوړونې کانديد وزير سيد سادات نادري د ولسي جرګې ٢٠٢ تاييد رايې واخيستې او د دې وزارت وزير شو.

ولسي جرګې د سوداګرۍ او صنايعو وزارت لپاره کانديد همايون رسا په ١٧٠ مثبتو رايو سره تاييد. ښاغلى رسا د دې وزارت وزير شو.

د کرنې او مالدارۍ وزارت کانديد اسد الله ضمير ته د تاييد ١٩٢ رايې ورکړې او د دې وزارت د وزير په توګه يې تاييد کړ.

د لوړو زده کړو وزارت لپاره کانديد وزيرې فريدې مومند وکړاى شواى د ولسي جرګې د ١٨٤ غړو مثبتې رايې واخلي او د دې وزارت د وزيرې په توګه وټاکل شي.

ولسي جرګې د پوهنې وزارت لپاره ډاکټر اسد الله حنيف په ١٦١ تاييدي رايو سره تاييد کړ.

ولسي جرګې علي احمد عثماني د اوبو او انرژۍ د وزير په توګه په ١٦٨ تاييد رايو سره ومانه.