پاکستان، پښتانه په بنیادي، ذهني او جمساني ډول ځپي

راپور: حبیب الرحمن تاثیر

پاکستاني حکومت په قبايلي سيمو کې له زرو څخه د زیانو تعلیمي او روغیتايي ادارو د بندولو پریکړه کړې ده چې د قبایلي سیمې د ولسي خلګو، سیاسي، مذهبي مشرانو، او په پاکستاني پارلمان کې د قیایلي سیمو د استازیو له سخت غبرګون سره مخ سوې ده.

له فاټا سيکرټريټ څخه د جاري شويو مالوماتو له مخې: د ريشنلائزيشن (د کم تعداد) پاليسۍ په اساس ‎به په قبايلي سيمو کې په مجموعي توګه درې سوه درويشت (۳۲۳) روغیتايي مرکزونه او تر اووه سوه زيات تعليمي ادارې بندې کړي.

د سرچینې په حواله، دا پریکړه تیره ورځ په یوه غونډه کې د چارواکیو له سلامشورو وروسته کړې ده، چې د قبایلي سیمو ولسي خلګو، سیاسي، مذهبي مشرانو، او په پاکستاني پارلمان کې له قبایلي سیمو استازیو خواشیني ښوولې ده.

بلې خوا ته د (خيبرپښتونخوا ډائريکټريټ آف کالجز) د زده کوونکیو د کمي له امله حکومت ته په ایالت کې د يوولس کالجونو د بندولو سپارښتنې کړي دي، په دغو سپارښتنو کې ويل شوي دي چې په کالجونو کې د درې نوي زره زده کوونکیو ګنجایش دی، خو په دې کې تر پنځوس زره هم کم زده کوونکي زده کړې کوي.

خو د قبایلي سیمې خلګ، ملایان، مدني فعالان، مخور، سیاسي/ مذهبي مشران او له قبایلي سیمو څخه په پاکستانی پارلیمان کې د خلګو استازي وايي، حکومت ورسره په هره ډول زیاتی کوي، دوی وايي پاکستان ورسره د ژوند په یوه برخه کې زیاتی کوي، نو دا چې دغه دولت به هیڅکله د دغه تعلیمي او روغیتايي ادارو بندولو ته پرې نه ږدي.

یاده دي وي چې په خیبرپښتونخوا او قبایلي سیمو کې تر دې  وخته د وسله والو له لورې تر زرو زیات ښوونځي په بیلا بیلو پلمو په بمونو الوځول سوي او یا هم سوځول سوي دي، چې سیاسي شنونکي او ملتپال ګوندونه دا کار په پښتني سیمو کې د تعلیمي نظام په کمزورې کولو او پښتانه د جهالت و لورته په بیولو پورې تړي او وايي: دغه وسله وال دغه کار د دولت په ملاتړ کوي.