تاند- پاکستاني رسنۍ وايي، د افغانستان حکومت نن /پنجشنبه/ د حقاني شبکې د مشر سراج الدین حقاني د کشر ورور انس حقاني په شمول د دې شبکې ۹ غړي خوشي کړي دي.
پاکستان ټوډې ورځپاڼې ویلي چې د افغانستان د ملي امنیت د ریاست له لوري د دغو کسانو خوشي کېدو د افغانستان د حکومت او طالبانو ترمنځ د سولې امکان ته هیلې زیاتې کړي دي.
د افغانستان د ملي امنیت ریاست په دې اړه څه نه دي ویلي او د حکومت یوې باوري سرچینې تاند ته د نوم د نه ښودلو په شرط وویل چې حکومت تراوسه پورې نه څوک خوشي کړي او نه یې په دې اړه خبرې کړي دي.
سرچینې وویل چې تراوسه طالبانو د افغانستان له حکومت سره خبرې نه دي پیل کړي او ترڅو چې هغوی خبرې پیل کړي نه وي او د دواړو خواوو ترمنځ جوړجاړی نه وي شوی، د دې ډلې د غړیو د خلاصون امکان نشته.
پاکستان ټوډې د نامعلومو سرچینو په قول ویلي چې د افغانستان د حکومت له لوري په خوشي شویو کسانو کې انس حقاني هم شامل دی چې د ۲۰۱۴ م کال د اکتوبر په ۱۴ نېټه په خوست ولایت کې ونیول شو.
انس حقاني د ۲۰۱۶ م کال د اګست په ۲۹ نېټه په اعدام محکوم شو خو د اعدام حکم یې د ولسمشر غني له لوري توشیح شوی نه دی.
افغان طالبانو هم تراوسه پورې د انس حقاني د خلاصون ادعا تایید کړې نه ده.
یو شاعر څه ډیر ښه ویل
غټان غټان پیدا دی دوی خو له موره جنتیان پیدا دی
راځی چی هغو لره جنت وګټو څوګ چی د موره دوزخیان پیدا دی
پاکستان ټوډې د نامعلومو سرچینو په قول ویلي چې د افغانستان د حکومت له لوري په خوشي شویو کسانو کې انس حقاني هم شامل دی چې د ۲۰۱۴ م کال د اکتوبر په ۱۴ نېټه په خوست ولایت کې ونیول شو.