تاند- پاکستان بالاخره نن اعلان وکړ چې د طالبانو د تحریک مرستیال ملا عبدالغني برادر به سبا /شنبه/ خوشي کړي او په دې ډول به د افغانستان د حکومت د اوږدې مودې غوښتنه پوره کړي.
د افغانستان حکومت هیله لري چې د ملابرادر خلاصون به په افغانستان کې د سولې له بهیر سره مرسته وکړي خو پاکستان ویلي چې نوموړی به افغانستان ته ونه لېږي.
د پاکستان د باندنیو چارو وزارت د جمعې په ورځ په یوه خبرپاڼه کې وویل، ملابرادر به، چې په ۲۰۱۰ میلادي کال په پاکستان کې نیول شوی و، د دې لپاره خوشي کړي چې په افغانستان کې د سولې او پخلاینې له بهیر سره مرسته وکړي.
رویټرز خبري اژانس ته یوې پاکستانۍ سرچینې ویلي چې ملابرادر به د سولې د پروسې لپاره غالباً سعودي عربستان یا ترکیې ته ولېږل شي خو د پاکستان د حکومت چارواکو دا خبره تایید نه کړه.
ملابرادر یو وخت د طالبانو د مشر ملا محمد عمر تر ټولو نژدې او د اعتماد وړ کس و او د برادر لقب هم ملا عمر ورکړی و.
رویټرز خبري اژانس وايي چې ملابرادر حتي تر نیول کېدو مخکې په دې مشهور و چې منطقي او پراګمتیک کس دی او د افغان چارواکو په وینا له کابل سره د خبرو لپاره یې تماسونه نیولي ول.
ویل کېږي چې نوموړی د پاکستان له لوري په دې خاطر ونیول شو چې د افغانستان له حکومت او ملګروملتو سره یې پټ تماسونه نیولي ول.
ملا برادر په ۲۰۱۰ کال د پاکستان په کراچۍ ښار کې ونیول شو. آی ایس آی د ملابرادر د نیولو په عملیاتو کې د سي آی اې مامورین هم ورګډ کړي ول څو هغوی ته وښيي چې پاکستان د طالبانو خلاف دی او هغوی ته یې پناه نه ده ورکړې. خو آی ایس آی د سي آی اې مامورینو ته اجازه ورنه کړه چې له ملابرادر څخه په تحقیقاتو کې حاضر وي.
الله دی حفاظت وه کی دایورشتنی افغان دی
He is not free if ISI live him to go then he free . Pakistani ISI and army killed so many of Pakhtuns in the name of Taliban . The ISI killing baloch and pakhtuns by using Taliban name . Don’t believe Pakistani from A to Z . They are cheating they are Mum and dad even .