تاند- د اروزګان چارواکي وايي چې په دغه ولایت کې یوه سړي د خپلې کورنۍ لږترلږه ۶ غړي وژلي دي.
د اروزګان د امنیه قومندانۍ ویندوی صالح محمد نېکزاد وویل، دا پېښه نن /چهارشنبه/ سهار د ولایت په مرکز ترینکوټ کې وشوه.
نېکزاد وویل، قاتل، چې رحیم الله نومېږي، د خپلې کورنۍ د غړیو له ویشتلو وروسته وتښتېد.
ده وویل چې تراوسه پوري د دې وژنو علت نه دی څرګند خو لومړني معلومات ښيي چې رحیم الله له لفظي شخړې وروسته د خپلې کورنۍ پر غړیو ډزې کړي دي.
د امنیه قومندانۍ د ویاند په وینا په وژل شویو کسانو کې د قاتل پلار، وروڼه او وراره شامل دي.
ډیر زړه دردونکی جاهلانه عمل دی