تاند- د خیبرپښتونخوا د پولیسو مشر تر سلو زیات پولیس په فساد کې د لاس لرلو په خاطر له دندو ګوښه کړل.
په پېښور کې د ایالت د پولیسو د عمومي له دفتره په یوه خپره شوې خبرپاڼه کې ویل شوي چې د پولیسو مشر ناصرخان دراني له څو ورځو راهیسي د پولیسو له لیکو د فاسدو او بې صلاحیته پولیسو د ایستلو لړۍ پیل کړې ده.
په خبرپاڼه کې همداراز ویل شوي چې په مردان کې ۲۴ پولیس په فساد کې د لاس لرلو په تور له دندو ایستل شوي او د هغوی پرضد د تحقیقاتو امر شوی دی.
په ګوښه شویو پولیسو کې پنځه لوی افسران هم شامل دي.
په ډېره اسماعیل خان کې یو پنځوس پولیس په فساد کې د لاس لرلو په تور لېري شوي دي.
په خبرپاڼه کې راغلي چې د ټولو ګوښه شویو پولیسو پر خلاف د تحقیقاتو امر شوی دی.
پرون په پېښور کې د لسو پولیس افسرانو دندې په ورته تور وځنډول شوې چې د هغو په منځ کې پنځه تاڼه داران دي.
د پاکستان پولیس په نړۍ کې تر ټولو فاسد او رشوت خواره پولیس ګڼل کېږي.
ناصرخان دراني شاوخوا یوه میاشت مخکې د خیبر پښتونخوا ایالت د پولیسو د عمومي رييس په توګه دنده پیل کړه او ژمنه یې وکړه چې په پولیسو کې به اصلاحات وکړي.
دې کې خپله فساد شوی، باید ټول ګوښه شوي وای.
سمه خبره دى كرى ده بايد تول لرى كرى شي